އިންޑިއާގެ އެކްޓަރު އިމްރާން ހާޝިމީ އަށް ތިން ވަނަ ވެބް ސީރީޒަކަށް ތައްޔާރުވަމުން އަންނަ ކަމަށް ރިޕޯޓްތައް ބުނެފި އެވެ.
ޕިންކްވިލާ އިން ބުނީ "މާޑާ" އާއި "ޖަންނަތު" ފަދަ ކާމިޔާބު ފިލްމުތައް ކުޅުނު އެކްޓަރަށް މި ފަހަރު ވެބް ސީރީޒެއް ހުށަހެޅީ ޑައިރެކްޓަރު ނީރަޖް ޕާންޑޭ ކަމަށެވެ. އޭނަ އަކީ މިދިޔަ އޮގަސްޓް މަހު އަޖޭ ދޭވްގަނާއި ތައްބޫގެ "އޯރޯ މޭ ކަހާ ދަމް ތާ" ގެނެސްދިން ޑައިރެކްޓަރެވެ.
ޕިންކްވިކާ އިން ބުނީ އިމްރާނަށް ނީރަޖް ހުށަހެޅި ސީރީޒަކީ ނެޓްފްލިކްސްއާ ގުޅިގެން ހަދަން ނިންމާފައިވާ އެެއްޗެއް ކަމަށެވެ. ނަމަވެސް މިއާ އިތުރު ތަފުސީލުތަކެއް އަދި ނުލިބެ އެވެ.
އިމްރާން ކުރިން ކުޅުނު ދެ ވެބް ސީރީޒަކީ ޝާހްރުކް ޚާންގެ ރެޑް ޗިލީސް އެންޓަޓައިންމަންޓާއި ނެޓްފްލިކްސް ގުޅިގެން 2019 ގައި ގެނެސްދިން "ބާޑް އޮފް ބްލަޑް" އާއި މި އަހަރުގެ މާޗްގައ ކަރަން ޖޯހަރްގެ ދަރުމާ ޕްރޮޑަކްޝަމުން ޑިޒްނީ ޕްލަސް ހޮޓްސްޓާ އަށް ގެނެސްދިން "ޝޯޓައިމް" އެވެ.