ބޯކޮށް ވާރޭ ވެހޭނެތީ ރާއްޖޭގެ ބޮޑު ސަރަހައްދެއް މިއޮތީ އޮތީ ޔެލޯ އެލާޓްގައި ކަމަށް މޫސުމާ ބެހޭ އިދާރާ އިން އެ ބުނެފި އެވެ.
އެ އެލާޓް ނެރެފައި ވަނީ ހއ. އަތޮޅުން ފެށިގެން ތ. އަތޮޅާ ހަމައަށެވެ. އެއީ ހެނދުނު 10:00 އާ ހަމައަށެވެ. އެ ވަގުތުގެ ތެރޭގައި ބޯކޮށް ވާރޭ ވެހި، ގަޑިއަކު 25-30 މޭލާ ދެމެދު ބާރުމިނުގައި ވައި ޖެހި، ވިލާގަނޑުގައި ގަޑިއަކި 50 މޭލަށް ވައި ގަދަވެ، ކަނޑުތައް ވެސް ގަދަވާނެ ކަމަށް ލަފާކޮށްފައިވެ އެވެ.
އެހެންވެ ކަނޑު ދަތުރުކުރާ ފަރާތްތަކުން ވެސް ސަމާލުވުމަށް އިލްތިމާސްކޮށްފައިވާ އިރު، ވާރޭ ވެހި ފެންބޮޑުވެ، ލިބިދާނެ ގެއްލުންތަކުން ރައްކާތެރިކަން ހޯދަން ދުރާލައި ފިޔަވަޅުތައް އަޅަން ކަމާބެހޭ އިދާރާތަކުން އިލްތިމާސްކޮށްފައިވެ އެވެ.
ހއ. އަތޮޅުން ފެށިގެން ތ. އަތޮޅާ ހަމައަށް ޔެލޯ އެލާޓް ނެރެފައި އޮތް ނަމަވެސް މި ދުވަސްވަރަކީ މުޅި ރާއްޖެ އަށް ވެސް ވިއްސާރަ ދުވަސްވަރެކެވެ. އެގޮތުން ރާއްޖޭގެ އެންމެ ދެކުނުން އައްޑު އަށް ވެސް ވަރަށް ވިއްސާރަ އެވެ.