އިޒްރޭލުން ފަލަސްތީނާ ދެކޮޅަށް ފެށި ހަނގުރާމަ އަށް މިއަދު އަހަރެއްވެއްޖެ އެވެ.
މިދިޔަ އަހަރުގެ އޮކްޓޯބަރު 7 އިން ފެށިގެން ޔަހޫދީ ދައުލަތުން ހިންގަމުންދާ ލާއިންސާނީ ޖަރީމާތަކުގައި ފަލަސްތީނު ވީރާނާކޮށްލައި، އެ ގައުމު އޮތީ އިންސާނީ ބޮޑު ކާރިސާއެއްގެ ތެރެއަށް ވައްޓާލައިފަ އެވެ. އަސާސީ ހުރިހާ ހިދުމަތްތަތަކުން ފަލަސްތީނުގެ މުސްލިމު ރައްޔިތުން މަހުރޫމުކޮށްލާފައިވާ އިރު، އެތައް ބައެއްގެ ފުރާނަ ވަނީ ގެއްލިގެން ގޮސްފަ އެވެ.
ފަލަސްތީނާ ދެކޮޅަށް އިޒްރޭލުން މި ހަނގުރާމަ ފެށީ އޮކްޓޯބަރު 7، 2023 ގައި ހަމާސް ޖަމާއަތުން އިޒްރޭލުގެ ފެސްޓިވަލެއްގެ ތެރެެއަށް ދިން ވަރުގަދަ ހަމަލާއަކާ ގުޅިގެންނެވެ. އިޒްރޭލު ސިއްސުވާލި މި ހަމަލާ އަކީ ފާއިތުވި ބައި ގަރުނުގެ ތެރޭގައި އިޒްރޭލަށް ހަމާސް އިން ދިން އެންމެ ވަރުގަދަ ހަމަލާ އެވެ.
އޭގެ ރައްދުގައި ޔަހޫދީން ނުކުތީ ނަސްލެއް ނައްތައިލުމުގެ ބޮޑުވެގެންވާ ޖަރީމާއަކަށެވެ.
އިޒްރޭލުން ހިންގަމުންދާ މި ގަތުލުއާންމަށް މިއަދު އަހަރެއް ފުރިގެން ދިޔަ އިރު، ފުރާނަ ގެއްލިގެން ދިޔަ އެ ގައުމުގެ ރައްޔިތުންގެ އަދަދު 42،500 އަށް ވުރެ ގިނަ އެވެ. މީގެ ތެރޭގައި އެންމެ ގިނައީ ކުޑަކުދިންނާއި އަންހެނުންނެވެ. އިޒްރޭލުން ޝަހީދުކުރި މީހުންގެ ތެރެއިން 40 ޕަސެންޓަކީ ކުޑަކުދިންނެވެ. އަދި 27 ޕަސެންޓަކީ އަންހެނުންނެވެ.
އެއްވެސް ހަތިޔާރެއް ނެތް ބަޔަލާ ދެކޮޅަށް ޒަމާނީ ބޮޑެތި ހަތިރާތަކުން ވަޔައީ އެއްގަމުން ހުއްޓުމެއް ނެތި ދެމުންދާ ހަމަލާތަކުގައި ފަލަސްތީނު މިހާރު އޮތީ ސުންނާފަތިވެފަ އެވެ.
އެތަކަހެއް ހާސް ބޯހިޔާވަހިކަމަކާއި ހޮސްޕިޓަލަކާއި ސްކޫލަކާއި މިސްކިތްތަކާއި އެ ނޫން ވެސްް އެތައް އިމާރާތްތަކެއް ވަނީ ބިމާހަމަކޮށްފަ އެވެ. ސިއްހީ ހިދުމަތްތަކާއި ކަރަންޓާއި ފެނާއި ނަރުދަމާމުގެ ހިދުމަތެއް ލިބެ އެވެ. މިކަންކަމާ ހެދި ފަލަސްތީނު އޮތީ "ބޮޑު ބަލިމަޑުކަމެއް" ގެ ތެރޭގަ އެވެ. ކާބޯތަކެއްޗއި ފެނަށް ފަލަސްތީނު އޮތީ ޖެހިފަ އެވެ.މި ހާލުގައު ވެސް އެތައް ކުއްޖަކު ދުނިޔެއާ ވަކިވެގެން ގޮސްފައިވެ އެވެ.
ފަލަސްތީނުން މިހާރު ޕޯލިއޯ ބަލި ވެސް ފެނިފައިވާތީ އެ ބައްޔާ ދެކޮޅަށް ވެސް އޮތީ ހަނގުރާމައެއް ކުރަންޖެހިފަ އެވެ. ވަރަށް ދަތި، އުނދަގޫ ފައްތަރެއްގެ ތެރެއިން ނަމަވެސް ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯ އިން ދާދި ފަހުން ވަނީ ފަލަސްތީނުގެ ކުޑަކުދިންނަށް ޕޯލިއޯ ވެކްސިން ދިނުމުގެ ޕްރޮގްރާމެއް ފަށައިފަ އެވެ.
ފަލަސްތީނަށް އިންސާނީ އެހީ ފޯރުކޮށް ދޭން މަސައްކަތްކުރާ ބައިނަލްއަގުވާމީ ފަރާތްތަކަށް ހުރަސް އެޅުމާއި މި ހަނގުރާމަ ކަވަރުކުރާ ނޫސްވެރިންފެ މަސައްކަތްތަކަށް ވެސް އިޒްރޭލުން ދަނީ ހުރަސް އަޅަމުންމެވެ. އެގޮތުން މިހާތަނަށް 200 އެއްހާ ނޫސްވެރިން މަރާލާފައިވާ އިރު، އިންސާނީ އެހީ ފޯރުކޮށް ދޭ އެކިއެކި ޖަމާއަތްތަކުގެ އެތައް ބަޔަކު ވެސް ވަނީ މަރާލައިފަ އެވެ.
އިޒްރޭލުގެ މި އަނިޔާވެރި ޖަރީމާ ހިންގަމުން ދަނީ ހުޅަނގުގެ ވާގިވެރިކަކަމާ އެކީގަ އެވެ. އެގޮތުން އެމެރިކާ އާއި ހުޅަނގުގެ އެތައް ގައުމުތަކުން ދަނީ އިޒްރޭލަށް ހަތިޔާރާއި އެ ނޫން ވެސް އެތައް ގޮތަކުން އެހީ ފޯރުކޮށް ދެމުންނެވެ.
ނަސްލެއް ނައްތާލަން އިޒްރޭލުން އެންމެންގެ ލީ ކުރިމަތީގައި ލަދަތެއް ހަޔާތެއް ނެތ ހިންގަމުންދާ މި ޖަރީމާ ހުއްޓުވާނެ ބަޔަކު ނެތެވެ. ހުއްޓުވޭނެ ބަޔަކު ވެސް މި ދުނިޔޭގައި ތިބި ކަމަކަށް ނުވެ އެވެ.
ކަން މިހެން އޮއްވައި އިޒްރޭލުން މިހާރު މި ވަނީ ލުބްނާނާ ދެކޮޅަށް ވެސް ނުކުމެ، އެ ގައުމު ސުންނާފަތި ކުރުމުގެ މަސައްކަތްތަކެއް ވެސް ފަށައިފަ އެވެ.