ސ. އަތޮޅު މަދުރަސާގެ އޭލެވެލް ގްރެޖުއޭޝަން ރޭ ބާއްވައިފި އެވެ.
ރޭ އަތޮޅު މަދުރަސާގައި ގުރެޖުއޭޓްވި ދަރިވަރުންނަށް ސެޓްފިކެޓް ދިނުމަށް ބޭއްވި ޖަލްސާ ޝަރަފްވެރިކޮށް ދެއްވެވީ ސ.ހުޅުދޫ ސްކޫލުގެ ޕްރިންސިޕަލް އަބްދުﷲ ސިއްދީގުއެވެ. ރޭގެ ހަފްލާގައި ވާހަކަ ދައްކަވަމުން ސިއްދީގު ވިދާޅުވީ ހުޅުމީދޫގެ ދަރިވަރުންނަށް އަމިއްލަ ރަށުގައި ތިބެގެން މަތީ ސާނަވީއަށް ކިޔެވޭނެ ފުރުސަތު ލިބިފައިމިވަނީ ބަޔކު ކުރި ބުރަމަސައްކަތުގެ ނަތީޖާއިން ކަމަށާއި އެމަސައްކަތް ކާމިޔާބުވެފައިވާތީ އުފާކުރާ ކަމަށެވެ.
ނަމަވެސް ރަށުން ކިޔެވޭނެ ފުރުސަތު ލިބިފައިވީ ނަމަވެސް އަދިވެސް ގިނަ ދަރިވަރުންތަކެއް އަމިއްލަ ރަށް ދޫކޮށް މާލެއާއި އަދި އެހެނިހެން ސްކޫލުތަކަށް ދާ ކަމީ ކަންބޮޑުވާ ކަމެއް ކަމަށެވެ.
ސ.އަތޮޅު މަދުރަސާގެ ގްރޭޑް 12 ނިންމި ދަރިވަރުންގެ ތެރެއިން 23 ދަރިވަރަކަށް ވަނީ މަތީ ސާނަވީ ފުރިހަމަކޮށް ގްރެޖުއޭޓްވީ ކަމުގެ ސެޓްފިކެޓް ހަވާލުކޮށްފަ އެވެ.
އަތޮޅު މަދުރަސާގައި އޭ ލެވެލް އަށް ކިޔަވައި ދޭން ފެށީ 2013 ވަނަ އަހަރުގަ އެވެ.