މޯލްޑިވްސް އިންފްލައިޓް ކޭޓަރިން ޕްރައިވެޓް ލިމިޓެޑް (އެމްއައިސީ) ގެ ޖެނެރަލް މެނޭޖަރުގެ މަގާމުގައި ހުންނެވި ކޮކް ތެންގް އެންޖީ އެ މަގާމުން ވަކިކޮށްފި އެވެ.
އެނގިފައިވާ ގޮތުގައި އޭނަ މަގާމުން ވަކިކުރީ އެމްއައިސީގެ އުސޫލުތަކާ ހިލާފަށް ކުންފުނީގެ މުއާމަލާތްތަކެއް ހިންގާފައިވާތީ އެވެ. އެގޮތުން އެމްއައިސީ އަށް މާލީ ގޮތުން ބޮޑެތި ގެއްލުންތަކެއް ލިބޭ ގޮތަށް ހިޔާނާތުގެ އަމަލުތައް އެންޖީ ހިންގާފައިވާ ކަމަށް ށް ތުހުމަތުކުރެވެ އެވެ.
އަދި މިކަން އެނގުނީ ދާދި ފަހުން އެމްއޭސީއެލް އިން ހިންގި އިދާރީ ތަހުގީގެއްގެ ތެރެއިންނެވެ.
އެމްއައިސީ އަކީ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ 65 ޕަސަންޓް ހިއްސާ އާއި ސިންގަޕޫރު އެއާޕޯޓް ޓާމިނަލް ސާވިސަސް (ސެޓްސް) ގެ 35 ޕަސަންޓް ހިއްސާއާ އެކީ ހިންގާ ކުންފުންޏެކެވެ.