މި މަހުގެ ފަހުކޮޅު ބެލުންތެރިންނަށް ގެނެސްދޭން ނިންމާފައިވާ ފިލްމު "ގެއްލުނު ރޭ" ގެ އާ ޕޯސްޓަރެއް ދައްކާލައިފި އެވެ.
މި ލޯބީގެ ބިރުވެރި ފިލްމަކީ މަޝްހޫރު ކެމެރާމަން ހަސަން ހަލީމް (ކޮކޯ) ޑައިރެކްޓްކުރި ފުރަތަމަ ފީޗާ ފިލްމެވެ.
މި މަހުގެ 29 ގައި ޕްރީމިއާކުރަން ހަމަޖެހިފައިވާ "ގެއްލުނު ރޭ" ގެ ކާސްޓްގައި މުހައްމަދު މަނިކު، އައިމިނަތު ޝުހާ، އިބްރާހީމް ޖިހާދު (ޖިމީ)، މަރިޔަމް ޝިފާ، މަރިޔަމް ހަލީމް އަދި އަލަށް ތައާރަފުކުރާ ކުޑަކުއްޖެއް ކަމަށްވާ ކައުސަރު ހިމެނެ އެވެ.
މި ފިލްމަކީ ކޮކޯގެ ދަރިފުޅު އަދި ލަވަކިޔުންތެރިޔާ އަންދަލާ ހަލީމް ޕްރޮޑިއުސްކޮށް، ރިޝްތާ ކިޔާ މީހެއްގެ ސްކްރީންޕްލޭއަކަށް ހަދާފައިވާ ފިލްމެކެވެ.
"ގެއްލުނު ރޭ" ގެ ޓްރެއިލާ އާއި އިތުރު ޕޯސްޓަރެއް ވެސް އިއްޔެ ވަނީ ދައްކާލައިފަ އެވެ.