ހޮންޑާގެ ޖެނުއިން ސްޕެއާ ޕާޓްސް ލިބޭ ރާއްޖޭގެ ފުރަތަމަ ސާވިސް ސެންޓަރު ހޮނިހިރު ދުވަހު ހުޅުވުމަށް ނިންމައިފި އެވެ.
ޝީޝާއަކީ ރާއްޖޭގައި ހޮންޑާ ސައިކަލު އަދި ޕަވަރ ޕްރޮޑަކްޓްސްގެ އޮތޮރައިޒްޑް ޑިސްޓްރިބިއުޓަރ އެވެ. މިއާއެކު ސީދާ ހޮންޑާ ކުންފުނީގެ އުފެއްދުންތަކާއި ސްޕެއަރތައް ޝީޝާއިން ދަނީ ރާއްޖެއަށް ގެނެސް ވިއްކަމުންނެވެ. މިގޮތުން މިތަކެތި ވިއްކުމަށް ހާއްސަ ފިހާރައެއް ޝީޝާއިން ވަނީ ނިންމާފަ އެވެ.
ރާއްޖޭގެ ފުރަތަމަ ހޮންޑާ ޕާޓްސް ސެންޓަރު ހުޅުވުމުގެ ރަސްމީއްޔާތު އޮންނާނީ އަންނަ ހޮނިހިރު ދުވަހުގެ ރޭގަނޑު އެވެ. އަދި އާދީއްތަ ދުވަހުން ފެށިގެން އާންމުންނަށް މިތަނުން ޚިދުމަތް ލިބޭނެ ކަމަށް ޝީޝާއިން ބުނެއެވެ. އެކުންފުނިން ބުނީ މިތަނުން ހޮންޑާގެ އުފެއްދުންތަކަށް ބޭނުންވާ ޖެނުއިން ސްޕެއާ ފަސޭހަ ކަމާއިއެކު ކަސްޓަމަރުންނަށް ލިބޭއިރު، މިއީ ރާއްޖޭގައި ވެސް ހުޅުވާ މިފަދަ އެންމެ ބޮޑު ސެންޓަރު ކަމަށެވެ.
ހޮންޑާގެ މި ސެންޓަރު ހުޅުވުމާއެކު، އެއްތަނަކުން ހުރިހާ ސްޕެއާއެއް ވެސް ލިބޭނެކަމަށް އެކުންފުނިން ބުނެ އެވެ. އަދި މިއީ މާލެ ސަރަހައްދުގައި ދިރިއުޅޭ ރައްޔިތުންގެ އިތުރުން ރާއްޖޭގެ އެހެން ހުރިހާ ސަރަހައްދެއްގެ ރައްޔިތުންނަށް ވެސް ހޮންޑާ އުފެއްދުންތަކުގެ ސްޕެއާ ހޯދުމަށް ލިބޭ ފުރުސަތެއް ކަމަށް ހޮންޑާއިން ބުނެ އެވެ.
ޝީޝާއިން ދަނީ ރާއްޖޭއަށް ހޮންޑާ ޖެނުއިން ސްޕެއާތައް އެތެރެ ކުރުމުގެ އިތުރަށް، ހޮންޑާ ސާވިސް ސެންޓަރު މެދުވެރިކޮށް ސައިކަލު މަރާމާތު ކުރުމުގެ ޚިދުމަތްވެސް ދެމުންނެވެ. އެގޮތުން ސާވިސް ސެންޓަރުގައި މަސައްކަތް ކުރާ ފަރާތްތަކަކީ އެކަމުގެ ހާއްސަ ތަމްރީނު ލިބިގެން މަސައްކަތް ކުރާ ފަރާތްތައް ކަމަށް ޝީޝާއިން ބުނެ އެވެ.