ގޭބިސީތަކުން ކުނި ނެގުން ހުއްޓިފައި އޮންނަތާ ދެ ހަފުތާއެެއްހާ ގިނަ ދުވަސް ވީ ފަހުން، އެ މަސައްކަތް ވަގުތީ ސަރުކާރުން ހަވާލުކޮށްފައިވާ މޯލްޑިވްްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރްޑީސީ) އިން އައްޑޫގެ ގޭބިސީތަކުން ކުނި ނަގަން ފަށައިފި އެވެ.
މި މަސައްކަތް ރަސްމީކޮށް ފެށުމަށް ބޭއްވި ރަސްމިއްޔާތުގައި އެމްއާރްޑީސީގެ އައްޑޫގެ މުވައްޒަފުންނާއި އައްޑޫގެ ކައުންސިލަރުންނާއި ކައުންސިލް އިދާރާގެ ބައެއް ވެރިން ވެސް ބައިވެރިވަޑައިގެންނެވި ރަސްމިއްޔާތުގައި އެމްއާރްޑީސީން ބުނީ ކުރިއަށް އޮތް ތަނުގައި ގޭބިސީތަކުން ކުނި ނެގުމުގެ މަސައްކަތް އެ ކުންފުނިން ކުރަމުން ދާނެ ކަމަށެވެ.
އެ ކުންފުނިން ބުނީ ގޭބިސީތަކުން މިހާރު ކުނި ނެގުމުގެ މަސައްކަތް ކުރަމުން އަންނަ އިރު، އައްޑޫގެ ވިޔަފާރި ކުރާ ތަންތަނުގައި އުފެދޭ ކުނި ފީއަކާ ނުލައި، އެ ބަޔަކު އަމިއްލަ އަށް ކުނިކޮއްޓަށް އުކައިލެވޭނެ އިންތިޒާމް ވެސް މިހާރު ހަމަޖެހިފައިވާ ކަމަށެވެ.
ކައުންސިލުން ވަނީ އައްޑޫގެ ކުނި މެނެޖް ކުރުން ޒެޑް އެންޓަޕްރައިސަސް ކިޔާ ބަޔަކާ ހަވާލު ކުރަން ނިންމައިފަ އެވެ. އެހެން ނަމަވެސް އޭސީސީގެ އެންގުމަކަށް އެކަން މި ވަގުތަށް ވަނީ މަޑުޖައްސާލައިފަ އެވެ.