ހޮލީވުޑްގެ ކުޅަދާނަ ޑައިރެކްޓަރު ކްރިސްޓޮފާ ނޯލަން އާ ފިލްމަކަށް ތައްޔާރުވަމުން އަންނަ ކަމަށް ރިޕޯޓްތައް ބުނެފި އެވެ.
ޑެޑްލައިނުން ބުނީ 2022 ގެ ކާމިޔާބު ބައޮގަރްފަރިކަލް ތުރިލާ ޑްރާމާ "އޯޕަންހީމާ" ގެނެސްދިން ޑައިރެކްޓަރުގެ އާ ފިލްމަކި އޭނަ ލިޔެ، ޕްރޮޑިއުސް ވެސް ކުރަން ހަމަޖެހިފައިވާ ފިލްމެއް ކަމަށެވެ. އަދި މީގެ ލީޑް ތަރިއަކަށް މެޓް ޑޭމަން ގެންނަން މިހާރު މަޝްވަރާތައް ވެސް ކުރިއަށްދާ ކަމަށް އެ ނޫހުން ބުންޏެވެ.
ޑޭމަން އަކީ "އޯޕަންހީމާ" ގެ އިތުރުން ނޯލަންގެ "އިންސްޓަސްޓެލާ" ގައ ވެސް މަސައްކަތްްކޮށްފައިވާ ތަރިއެކެވެ.
ނޯލަން އާ ފިލްމަށް ތައްޔާރުވަމުން ދިޔަ ނަމަވެސް އާ ފިލްމުގެ ޕްލޮޓާ ގުޅޭ އެއްވެސް މައުލޫމާތެއް އަދި ނުލިބެ އެވެ. އެކަމަކު މި ފިލްމު ބެލުންތެރިންނަށް ގެނެސްދޭން އަމާޒު ހިފަނީ ޖުލައޮ 17، 2026 އެވެ. އަދި މި ފިލްމު ވާނީ ފާއިތުވި 20 އަހަރުގެ ތެރޭގައި ވޯނާ ބްރޮސްއާ ނުގުޅި ނޯލަން ހަދާ ފުރަތަމަ ފިލްމަށެވެ.
އިނގިރޭސިވިލާތަށް އުފަން ޑައިރެކްޓަރުގެ އާ ފިލްމު ޕްރޮޑިއުސް ކުރަނީ އޭނަ އާއި އަންހެނުން އެމާ ތޯމަސްގެ ޕްރޮޑަކްޝަން ހައުސް، ސިންކޮޕީންނެވެ.
ނޯލަންގެ މިދިޔަ އަހަރުގެ "އޯޕަންހީމާ" އަކީ 7 އޮސްކާ އެވޯޑްގެ އިތުރުން ފަސް ގޯލްޑެން ގްލޯބް އެވޯޑް ފިލްމެކެވެ. ޖުމްލަ 100 މިލިއަން ޑޮލަރުގެ ބަޖެޓަކުން ހެދި ފިލްމަށް ބޮކްސް އޮފީހުގައި 977 މިލިއަން ޑޮލަރުގެ އާމްދަނީއެއް ލިބުނެވެ.
ނޯލަން، 54، ގެނެސްދިން ފިލްމުތަކުގެ ތެރޭގައި "ޓެނެޓް"، "ޑަންކާކް"، "އިންސެޕްޝަން"، "އިންސޮމްނިއާ" އަދި "މެމެންޓޯ" ހިމެނެ އެވެ.