އެމެރިކާގައި ނޮވެމްބަރު މަހު ރިޔާސީ އިންތިހާބު ބާއްވާ ދުވަހު ވަރުގަދަ ހަމަލާތަކެއް ދޭން ރާވަމުން ދިޔަކަމުގެ ތުހުމަތުގައި އައިއެސް އަށް ނިސްބަތްވާ މީހަކު ހައްޔަރުކޮށްފި އެވެ.
އެފްބީއައި އިން ބުނީ އޮކްލަހަމާ ސިޓީން އަތުލައިގަތް މީހާ އަކީ އަފްގާނިސްތާނަށް އުފަން ނާސިރު އަހުމަދު ތައުހީދީ ކިޔާ 27 އަހަރުގެ މީހެއް ކަމަށެވެ.
އެފްބީއައިގެ ޑިރެކްޓަރު ކްރިސްޓޯފާ ވްރޭ ވިދާޅުވީ ހައްޔަރުކުރި މީހާ އަކީ އެމެރިކާގެ އިންތހާބު އޮންނަ ދުވަހު އެމެރިކާގެ އެކި ހިސާބުތަކުގައި ވަރުގަދަ ހަމަލާތަކެއް ދޭން ރާވަމން އައި މީހެއް ކަމަށާއި އޭނަގެ ގެންދިގައީ ހަމަލާދޭން ބޭނުންކުރާނެ ބައެއް ހަތިޔާރާއި އެ ނޫން ވެސް ބައެއް ތަކެތި އެމެރިކާގައި ރައްކާ ކުރަމުން ކަމަށެވެ. އޭގެ ތެރޭގައި އޭކޭ-47 ގެ ގެ ރައިފަލާއި އަތުބޮމާއި ވަޒަން ފަދަ ތަކެތި ވެސް ހިމެނޭ ކަމަށް ވެސް އެފްބީއައި އިން ބުންޏެވެ.
މި މއްސަލައިގައި ނާސިރުގެ މައްޗަށް މިހާރު ވަނީ ދައުވާތަކެއް ވެސް އުފުލައިގަ އެވެ. އޭގެ ތެރޭގައި ޓެރަރިސްޓް ހަމަލާއެއް ދޭން ރާވަމުން ދިޔަކަމުގެ ދައުވާ ހިމެނެ އެވެ. ނާސިރަކީ ހިޖުރަކުރުމުގެ ހާއްސަ ވިސާއަކާ އެކީ 2021 ގެ ސެޕްޓެމްބަރުގައި އެމެރިކާ އަށް އެތެރެވި މީހެކެވެ. އެއީ އަންހެނުންނާއި ދަރިފުޅާ އެކީގަ އެވެ.