"މިސްކިތު ޤާރީ ކިލާސް" ހިންގަން ހުޅުވާލުމުން ކުރިމަތި 29 ފަރާތަކަށް ހުއްދަދީ، އެ ކުލާސްތައް ފަށައިފި އެވެ.
އިސްލާމިކް މިނިސްޓްރީން ބުނީ، ކްލާސްތައް ހިންގަން ކުރިމަތިލީ 29 ފަރާތަކާއި 3 ޖަމިއްޔާއަކުން ކަމަށެވެ. އޭގެ ތެރެއިން 29 މިސްކިތެއްގައި އިއްޔެ މި ޕްރޮގްރާމް ވަނީ ފަށައިފަ އެވެ. މީގެ ތެރޭގައި ހިމެނެނީ 14 އަތޮޅެއްގެ 29 މިސްކިތެކެވެ.
އެގޮތުން ޕްރޮގްރާމް ކުރިއަށްދާ ތަންތަނަކީ މާލެ، ހުޅުމާލެ، ވިލިމާލެ، އައްޑޫ ފޭދޫ، ފުވައްމުލައް، ކުޅުދުއްފުށި، އދ މަހިބަދޫ، ލ. އިސްދޫ، ތ. އޮމަދޫ، ނ. ވެލިދޫ، ހއ. ކެލާ، ގއ. ކޮނޑޭ، ށ. ފުނަދޫ، ބ. ތުޅާދޫ، ގދ. ނަޑެއްލާ، އދ. މާމިގިލި، އއ. ތޮއްޑޫ، ކ. ތުލުސްދޫ، ބ. ކުޑަރިކިލި، މ. މުލައް އަދި ތ. ކިނބިދު އެވެ.
"މިސްކިތު ޤާރީ ކިލާސް" ގައި ބަލައިގެން ކިޔެވުމާއި ނުބަލައި ކިޔުން ވެސް ކުރިއަށް ގެންދާނެ އެވެ.