މި އަހަރު ބ. ކަމަދޫގެ ބޮޑު އީދުގެ ހަރަކާތްތެރެއިން ގިނަ ބައެއްގެ ސަމާލުކަން ލިބުނު އައިމިނަތު ޒާރާ އާއި އަހުމަދު ސިޔާމު މުހައްމަދު (ސަން ސިޔާމު) މިއަދު ކައިވެނި ކުރަން ތައްޔާރުވެއްޖެ އެވެ.
މީޑިއާތަކުން ކުރިން ވެސް ވަނީ މި ކައިވެނި މި މަހުގެ 10 ގައި އޮންނާނެކަން ރިޕޯޓްކޮށްފަ އެވެ. އެނގިފައިވާ ގޮތުގައި ކައިވެނީގެ ހަފުލާ އޮންނާނީ ކައިވެނި ސިޔާމްގެ ކ. އޮޅުވެލި ރިސޯޓްގަ އެވެ.
ޒާރާ އާއި ސިޔާމި މިއަދު ކައިވެނިކުރީ ގިނަ ބައެއްގެ ސަމާލުކަން ހުއްޓިފައިވާ އިރު، މި ކައިވެނީގެ ތައްޔާރީތަކުގެ ތެރެއިން ދާދި ފަހުބް ބޭއްވި ޕްރީ-ވެޑިން ހަފުލާއެއްގައި ސިމާޔަށް ޒާރާ ކިޔައިދިން ލަވައެއް ވެސް ސޯޝަލް މީޑިއާގައި އާންމުވެ، ގިނަ ބަޔަކު އެ ވީޑިއޯ ޝެއާ ވެސް ކޮށްފައިވެ އެވެ.
ޒާރާއާ އެއް އުމުރުގެ ދަރިންތަކެއް ވެސް އަދި ދާދި ފަހުން ބޭރުގެ އަންބަކަށް އެއްމާބަނޑު ދެކުދިން ވެސް ލިބުނު ސިޔާމަކީ ރައްޔިތުންގެ މަޖިލީހުގެ ދ. މީދޫ ދާއިރާގެ މެންބަރެވެ. އަދި އޭނަ އަކީ މިހާރުގެ ސަރުކާރު ހިންގާ ޕާޓީ، ޕީއެންސީގެ ކޯލިޝަން ބައިވެރިއެއް ކަމަށްވާ މޯލްޑިވްސް ޑިވެލޮޕްމަންޓް އެލައިންސް (އެމްޑީއޭ) ގެ ލީޑަރެވެ. އަދި ސިޔާމަކީ ރާއްޖޭގެ ރިސޯޓް ވިޔަފާރީގައި އެންމެ ފާހަގަކޮށްލެވޭ ބޭފުޅުންގެ ތެރެއިން އެކެކެވެ.
މީޑިއާތަކުން ރިޕޯޓްކޮށްފައިވާ ގޮތުގައި ސިޔާމާ އިންނަން ޒާޒާ ރަން ކީ ދެ ގެސްޓްހައުސްއަށެވެ.