ބަނގުރަލާ އެކީ ހުޅުމާލެ އިން ބިދޭސީއަކު ހައްޔަރުކޮށްފި އެވެ.
ފުލުހުން ބުނީ އޭނަ ހައްޔަރުކުރީ ހުޅުމާލެ ފޭސް 1 ރޭ ޕެޓްރޯލް ކުރަމުންދިޔަ އިރު ލިބުނު މައުލޫމާތަކާ ގުޅިގެން، ކާރެއް ހުއްޓުވައި ބަލައިފާސްކޮށް ކަމަށެވެ.
އެ މައްސަލައިގައި ހައްޔަރުކޮށްފައި ވަނީ ސްރީ ލަންކާ އަށް ނިސްބަތްވާ ތަރިންދު މަހޭސްހަކަ، 25، އެވެ. ފުލުހުން ބުނީ އޭނަދުއްވި ކާރު އަމީން އެވެނިއު ކައިރިން ހުއްޓުވައި ބަލައިފާސްކުރި އިރު 28 ފުޅި ބަނގުރާ ފެނިފައިވާ ކަމަށެވެ.
މިކަމާ ގުޅިގެން ތަރިންދު ދުއްވި ކާރު ފުލުހުން ވަނީ ޓޯ ވެސް ކޮށްފަ އެވެ. އަދި މި މައްސަލަ އަންނަނީ އިތުރަށް ތަހުގީގު ކުރަމުންނެވެ.