މިހާރު ވަރަށް މަދުން ނޫނީ ފިލްމުތަކުގައި މަސައްކަތް ކުރާ ބޮލީވުޑްގެ ބަތަލާ ޖަޔާ ބައްޗަން އާ ފިލްމަކަށް ސޮއިކޮށްފި އެވެ.
ޕީޕިން މޫން އިން ބުނި ގޮތުގައި އަމީތާބް ބައްޗަންގެ އަންހެނުން ސޮއިކުރި އާ ފިލްމަކީ އާއިލީ ގުޅުމެއްގެ މައްޗަށް ބިނާކޮށް ޑައިރެކްޓަރު ވިކާސް ބާލް ހަދަން ނިންމާފައިވާ ފިލްމަކަށެވެ. ބެލުންތެރިންގެ ވަރަށް ބޮޑި މަގުބޫލު ކަމެއް ހޯދި "ކްއީން" ވެެސް ގެނެސްދިން ވިކާސްގެ އެންމެ ފަހުގެ ފިލްމަކީ މި އަހަރުގެ ރިލީޒްކުރި އަޖޭ ދޭވްގަންގެ "ޝައިތާން" އެވެ.
ވިކާސްގެ ފިލްމަށް ޖަޔާ އެއްބަސްވި އިރު، އަމީތާން ވެސް ވިކާސްއާ އެކީ މަސައްކަތްކޮށްފައިވެ އެވެ. އެއީ "ގުޑްބާއީ" އާއި "ގަނަޕަތު" ގަ އެވެ.
ނަން އަދި ސާފު ނުވާ ވިކާސްގެ އާ ފިލްމުގެ ލީޑް ތަރިންނަކީ ޖަޔާގެ މާމަދަރިއެއް ކަމަށްވާ ނަވިއާ ނަވޭލީ ނަންދާއާ ލޯބީގެ ގުޅުމެއް ބޭއްވި އެކްޓަރު ސިދާންތު ޗަތުރަވެދީގެ އިތުރުން ވަމީގާ ގައްބީ އެވެ. ރިޕޯޓްތައް ބުނާ ގޮތުން މި ފިލްމު ޝޫޓްކުރަން ހަމަޖެހިފައި ވަނީ ގޯއާގަ އެވެ.
އިންޑިއާގެ ގާނޫނު ހަދާ މަޖިލީހުގެ މަތިގެ، ރާޖިއާ ސަބާގެ މެންބަރުކަން ވެސް ކުރަމުން އަންނަ ޖަޔާ، 76، އެންމެ ފަހުން ކުޅުނު ފިލްމަކީ ޑައިރެކްޓަރު ކަރަން ޖޯހަރްގެ މިދިޔަ އަހަރުގެ "ރޮކީ އޯރް ރާނީ ކީ ޕްރޭމް ކަހާނީ" އެވެ.