ރާއްޖެ އިސްލާމްވިތާ 900 އަހަރު ފުރުން ފާހަގަކުރަން ހާއްސަ ކައުންޓްޑައުނެއް ހެރިޓޭޖް މިނިސްޓްރީން ފަށައިފިއެވެ.
މިކަމާ ގުޅޭ ގޮތުން އެ މިނިސްޓްރީން މިއަދު ނެރުނު ބަޔާނެއްގައި ބުނީ ރާއްޖެ އިސްލާމްވިތާ 900 އަހަރު ފުރުން ހާއްސަ ގޮތެއްގައި ފާހަގަކުރުމުގެ ތައްޔާރީތަކަށްޓަކައި ކައުންޓްޑައުންެއް ފެށީ މި މަހުގެ 5 ވަނަ ދުވަން ފެށިގެންނެވެ.
ރާއްޖެ އިސްލާމްވީ ދުވަހުގެ ގޮތުގައި ކޮންމެ އަހަރަކު ވެސް ފާހަގަކުރަމުން އަންނަނީ ރަބީއުލްއާހިރާ މަހުގެ 2 ވަނަ ދުވަހެވެ. މި އަހަރު ފާހަގަކުރީ ރާއްޖެ އިސްލާމްވިތާ 898 އަހަރެވެ. ރާއްޖެ އިސްލާމްވިތާ 900 އަހަރު ފުރޭނީ 2026 ގަ އެވެ.
ހެރިޓޭޖް މިނިސްޓްރީން ބުނީ ރާއްޖެ އިސްލާމްވިތާ 900 އަހަރު ފުރުން ފާހަގަކުރަން ހާއްސަ ގުނާނާ (ކައުންޓްޑައުން) އެއް ފެށީ އެ ދުވަސް ވަރަށް ކުލަގަދަކޮށް ފާހަގަކުރަން ރައީސް ޑރ. މުހައްމަދު މުއިއްޒު ނިންމެވުމާ ގުޅިގެން ކަމަށެވެ.
ރާއްޖެ އިސްލާމްވީ ހިޖުރައިން 548 ވަނަ އަހަރުގެ ރަބީއުލްއާހިރު މަހު އެވެ. އެ ދުވަސް އެންމެ ފުރަތަމަ ފާހަގަކުރަން ފެށީ ހިޖުރައިން 1374 ގަ އެވެ. އެ އަހަރުން ފެށިގެން 1387 މި ދުވަސް ފާހަގަ ކުރެއްވުމަށް ފަހު އޭގެ ފަހު، ފަހުން އެ ދުވަސް ފާހަގަކުރެއްވުން ހުއްޓާލިއެވެ. އެއީ 14 އަހަރު އެދުވަސް ފާހަގަކުރުމަށްފަހު އެވެ. އޭގެ ފަހުން އަލުން އަނެއްކާ ވެސް ރާއްޖެ އިސްލާމްވީ ދުވަސް ފާހަގަކުރަން ފެށީ 1421 ވަނަ އަހަރުން ފެށިގެންނެވެ.