ސައިބަ ހަމަލާތަކުން ރައްކާތެރިވުމަށްޓަކައި ބޮޑެތި ގައުމުތަކުން މަސައްކަތް ކުރާ ގޮތަށް ރާއްޖެއިން ވެސް މަސައްކަތް ކުރަން ޖެހޭ ކަމަށް ހޯމްލޭންޑް މިނިސްޓްރީގެ ސްޓޭޓް މިނިސްޓަރު ޑރ. މުޙައްމަދު ކިނާނަތު ވިދާޅުވެއްޖެއެވެ.
ސައިބަ ސެކިއުރިޓީ އާއި ނޭޝަނަލް އާޓިފިޝަލް އިންޓެލިޖެންސްއާ ގުޅޭ ގޮތުން ބޭއްވި ސިމްޕޯސިމްގައި އޭނަ ވިދާޅުވީ ރާއްޖޭގައި މިހާރު ސައިބަ ސެކިއުރިޓީ ތުރެޓް ލެވެލް ހުރީ ނުހަނު ކަންބޮޑުވާ ހިސާބެއްގައި ކަމަށެވެ. އެހެންވެ ސައިބަ ހަމަލާތަކުން ރައްކާތެރިވުމަށްޓަކައި ބޮޑެތި ގައުމުތަކާ އެއްވަރަށް ރާއްޖެ އިން ވެސް މިކަމަށް އިސްކަންދީ މަސައްކަތް ކުރުން ވަރަށް މުހިއް،މުވެފައިވާ ކަމަށް ވިދާޅުވި އެވެ.
"އަޅުގަނޑުމެން ވަކިން ޚައްސަކޮށް ބޭނުންވީ އާޓިފިޝަލް އިންޓެލިޖެންސް ޓެކްނޮލޮޖީގެ މުހިންމުކަމުގެ ވާހަކަ ދައްކަން،" ކިނާނަތު ވިދާޅުވި އެވެ. "އަދި ވަކިން ޚާއްސަކޮށް ދުނިޔޭގެ ކޮންޓެކްސްޓްގަ އާޓިފިޝަލް އިންޓެލިޖެންސް ޓެކްނޮލޮޖީ ގޮސްފަވާ ހިސާބާއި އަދި އޭގެ އިތުރުން ރާއްޖޭގައި ވެސް ކުރިއަށް އޮތް ތަނުގައި އޭއައި ބޭނުންކޮށްގެންނޭ ސިސްޓަމްތައް ވެސް ޑިޒައިން ކުރެވެން ޖެހޭނީ."
އޭނަ ވިދާޅުވީ ނެޝަނަލް ސެންޓަ ފޯ އިންފޮމޭޝަން ޓެކްނޮލޮޖީ (އެންސީއައިޓީ) އިން އޭއައިއާ ބެހޭ ހޭލުންތެރި ޕްރޮގްރާމުތައް ހިންގުމާއި އޭއައިގެ މުހިންމުކަން ރައްޔިތުންނަށް އަންގައި ވެސް ދޭން ޖެހޭ ކަމަށެވެ.