އައްޑޫ މަރަދޫ ގެއަކަށް ވައްކަން ކުރަން ވަން މީހަކު އެ ގޭގެ ދުވަސްވީ މީހަކު ބިންމައްޗަށް ވައްޓާލުމާ ގުޅިގެން ލިބުނު އަނިޔާތަކަށް ފަރުވާ ދެމުން އަންނަ ކަމަށް އާއިލާ އިން ބުނެފި އެވެ.
މި ވާހަކަ އެ މީހާގެ ދަރިއެއް ކަމަށްވާ މުހައްމަދު ޝާމިލް ފޭސްބުކްގައި ހިއްސާކޮށް ބުނީ ބައްޕަ އަށް އަނިޔާވީ އިއްޔެ ރޭ ގޭގެ ދޮރެއް ހަލާލުކޮށްލައިގެން ވަތް މީހަކު، ބައްޕަ ކޮއްޕައި ވައްޓާލުމާ ގުޅިގެން ކަމަށެވެ. އޭނަ ބުނި ގޮތުގައި ޖިސްމާނީ އަނިޔާގެ އިތުރަށް އެ ހާދިސާގެ ސަބަބުން ބައްޕަ އަށް ނަފުސާނީ ގޮތުން ވެސް ގެއްލުންވެފައިވާ ކަމަށެވެ.
ޝާމިލު ބުނީ މަރަދޫގައި މިފަދަ ހާދިސާތައް އިތުރުވެ، މުޖުތަމައު ބިރުވެރިކަމެއްގެ ވެއްޓިފައިވާ ކަމަށެވެ. އެހެންވެ އައްޑޫގައި އަމާންކަން ގާއިމުކޮށް ދޭން ފުލުހުންނާއި އައްޑޫ ސިޓީ ކައުންސިލަށް ވެސް ޝާމިލް ގޮވާލާފައިވެ އެވެ.
އައްޑު އަކީ ވައްކަމާއި މަސްތުވާތަކެތީގެ މައްސަލަތައް ވަރަށް އާންމު ތަނެއްގެ ގޮތުގައި ފާހަގަކުރެވެ އެވެ.