ސެންޓްރަލް އޭޝިއަން ވޮލީބޯލް އެސޯސިއޭޝަން (ކާވާ) 20 އަހަރުން ދަށުގެ ވޮލީބޯލް ޗެމްޕިއަންޝިޕް 2024 ގެ ޗެމްޕިއަންކަން އުޒްބެކިސްތާނުން ހޯދައިފި އެވެ.
ސްރީ ލަންކާގެކޮލޮމްބޯގެ ސުގަތަދާސަ އިންޑޯ ސްޓޭޑިއަމުގައި ކުރިއަށް ދިޔަ އެ މުބާރާތުގައި ހަ ގައުމެއް ވާދަކުރި އެވެ. އެއީ ރާއްޖެ ވެސް ހިމެނޭ ގޮތަށް އުޒްބެކިސްތާނާއި ލަންކާ އާއި ކިރްގިސްތާނާއި، ނޭޕާލްގެ އިތުރުން ތުރުކުމެނިސްތާނެވެ.
މުބާރާތުގެ އުޒްބެކިސްތާނުން ޗެމްޕިއަންކަން އިއްޔެ ހޯދީފައިނަލް މެޗުގައި ތިން ސެޓު އެއް ސެޓުން ނޭޕާލް ބަލިކޮށެވެ. މި މެޗުގެ ފުރަތަމަ ސެޓު 27-25 އިން ނޭޕާލުން ގެންދިޔަ ނަމަވެސް، އުޒްބެކިސްތާނުން ވަނީ ޖެހިގެން އައި ތިން ސެޓު ކާމިޔާބުކޮށް، މެޗުން މޮޅުވެފައެވެ. އެ ސެޓުތައް އުޒްބެކިސްތާނުން ކާމިޔާބުކޮށްފައިވަނީ 25-10، 25-16 އަދި 25-20 އިންނެވެ.
މުބާރާތުގެ ލޯ މެޑެލް ހޯދީ ތުރުކުމެނިސްތާނުންނެވެ. އިއްޔެ ކުޅުނު ލޯ މެޑެލް މެޗުގައި ތުރުކުމެނިސްތާނުން ކިރްގިސްރާން ބަލިިކުރީ ވަނީ ތިން ސެޓު ދެ ސެޓުންނެވެ. މެޗުގެ ފުރަތަމަ ދެ ސެޓު 25-23 އަދި 25-23 އިން ކިރްގިސްތާނުން ގެންދިޔަ ނަމަވެސް، ތުރުކުމެނިސްތާނުން ވަނީ ފަހަތުން އަރައި އަނެއް ތިން ސެޓު ކާމިޔާބުކޮށްފައެވެ. މި ސެޓުތައް ތުރުކުމެނިސްތާނުން ގެންދިޔައީ 25-20، 25-23 އަދި 15-13 އިންނެވެ.
މީގެ އިތުރުން އިއްޔެ ކުޅުނު މުބާރާތުގެ ރޭންކިން މެޗުގައި ރާއްޖެ ވަނީ ލަންކާ އަތުން ސީދާ ތިން ސެޓުން ބަލިވެފަ އެވެ. މި މެޗުގެ ސެޓުތައް ލަންކާއިން ގެންދިޔައީ 25-12، 25-20 އަދި 25-20 އިންނެވެ.
ކާވާ 20 އަހަރުން ދަށުގެ ވޮލީބޯލް ޗެމްޕިއަންޝިޕްގައި ރާއްޖެ އަށް އެކަށީގެންވާ ނަތީޖާއެއް ހޯދިފައި ނުވާ އިރު، އުޒްބެކިސްތާނުގައި މި މަހުގެ 18 ގައި ފަށާ ކާވާގެ ސީނިއާ މުބާރާތަށް ރާއްޖެ ގައުމީ ޓީމު ވަނީ ގޮސްފަ އެވެ. އެ މުބާރާތް ކުރިއަށް ދާނީ މި މަހުގެ 24 އާ ހަމައަށެވެ.
އެ މުބާރާތުގައި ވާދަކުރަނީ ރާއްޖޭގެ އިތުރުން އުޒްބެކިސްތާން، ކިރްގިސްތާން، ތަޖިކިސްތާން، ތުރުކުމެނިސްތާން އަދި އަފްޣާނިސްތާނެވެ.