އިންޑިއާގެ ފިލްމީ ތަރިންނާ އަބަދު ވެސް ވަރަށް ގާތް ގުޅުމެއް ބާއްވަމުން އައި ނުފޫޒު ސިޔާސީ ލީޑަރެއް ކަމަށްވާ ބާބާ ސިއްދީގީ އަވަހާރަކޮށްލައިފި އެވެ.
މީޑިއާތަކުން ރިޕޯޓްކޮށްފައިވާ ގޮތުގައި އެންމެ ބޮޑު އިދިކޮޅު ޕާޓީ ކޮންގްރެސް ޕާޓީ އަށް ނިސްބަތްވާ ބާބާ ސިއްދީ އަވަހާރަވީ ބަންޑްރާގެ ނިރްމަލް ނަގަރުގައި ބަޔަކު މަޑިން ދިން ހަމަލާތަކެެއްގައި ލިބުނު ޒަހަމްތަކަށް މުމްބާއީގެ ލީލާވަތީ ހޮސްޕިޓަލްގައި ފަރުވާ ދެމުން ދަނިކޮށެވެ.
ބާބާ ސިއްދީގީ އަވަހާރަކޮށްލުމާ ގުޅިގެން ބޮލީވުޑްގެ ވަރަށް ގިނަ ބަޔަކު މިހާރު އަންނަނީ ސޯޝަލް މީޑިއާގައި ހިތާމަ ފާޅުކުރަމުންނެވެ.
ބާބާ ސިއްދީގީ އަވަހާރަކޮށްލުމާ ގުޅިގެން ކޮންގްރެސްގެ ލީޑަރު ރާހުލް ގާންދީ ވިދާޅުވީ މިކަމުން ދައްކުވައި ދެނީ މަހާރަޝްތުރާ ސްޓޭޓްގެ އަމަންއަމާންކަން ގެއްލިފައިވާ މިންވަރު ކަމަށެވެ. އަދި މިކަމުގެ ޒިންމާ ސަރުކާރުން ނަގަން ޖެހޭ ކަމަށް ވިދާޅުވި އެވެ.
The tragic demise of Baba Siddique ji is shocking and saddening. My thoughts are with his family in this difficult time.
This horrifying incident exposes the complete collapse of law and order in Maharashtra. The government must take responsibility, and justice must prevail.
— Rahul Gandhi (@RahulGandhi) October 13, 2024
ފުލުހުން ވަނީ ބާބާ އަވަހާރަކޮށްލި މައްސަލައިގައި ދެ މިހަކު ހައްޔަރުކޮށްފަ އެވެ. އެއީ ހަރިއާނާ އަށް ނިސްބަތްވާ ގުރްމަލް ސިންގް، 23، އާއި އުއްތަރު ޕްރަދޭޝް އަށް ނިސްބަތްވާ ދަރަމްރާޖް ކޭޝަޕް.19، އެވެ. އެ މީހުން ހައްޔަރުކޮށް މައްސަލައިގެ ތަގުގީގު ފަށާފައިވާ އިރި، ފުލުުހުން ބުނެފައި ވަނީ ބާބާ ސިއްދީގީ އަށް ހަމަލާ ދީފައި މި ވަނީ މީގެ އަށް ވަރަކަށް ހަފުތާ ކުރިން ފެށިގެން އެކަމުގެ ތައްޔާރީތައް ވަރަށް ވެގެން ކަމަށާއި ތުހުމަތުގައި ހައްޔަރުކުރި ދެ މީހުން ގެންދިޔައީ ބާބާ ސިއްހީގެ ހަރަކާތްތަކަށް ފާއިތުވި މުއްދަތުގެ ތެރޭގައި ވަރަށް ވަރަށް ބޮޑަށް ފާރަލަމުން ޖަމަށެވެ.
މަހާރަޝްތުރާ ސްޓޭޓްފެ ޗީފް މިނިސްޓަރިކަން ވެސް ކުރެއްވި ބާބާ ސިއްދީގީ، 64، ގެ ވާހަކަ އާންމުކޮށް މީޑިއާތަކުގައި ދެކެވެމުން އައިސްފައި ވަނި އެކިއެކި މުނާސަބަތުތަކާ ގުޅިގެން ފިިލްމީ ތަރިންނަށް ބާއްވާ ހަފުލާތަކާ ގުޅުވައުންނެވެ. އެގޮތުން ކޮންމެ ރޯދަ މަހަކު އޭނަ ބާއްވަވާ އިފްތާރު ޕާޓީ އަކީ މުޅި ބޮލީވުޑް ޖަމާވާ ހަފުލާއެކެވެ.
ބާބާ ސިއްދީގީގެ ޖަނާޒާ ރަސްމީ އިއްޒަތުގައި ބާއްވަން މިހާރު ވަނީ ނިންމައިފަ އެވެ.