މި އަހަރުގެ މިހާތަނަށް ތެލެސީމިއާ ކުދިންގެ ދަފުތަރުގައި 13 ކުއްޖަކު އިތުރަށް ހިމަނައިފި އެވެ.
މޯލްޑިވިއަން ބްލަޑް ސާވިސަސް އިން ބުނީ މިއީ މިދިޔަ އަހަރަށް ވުރެ ތިން ކުދިންގެ އިތުރުވުމެއް ކަމަށެވެ. މިދިޔަ އަހަރު ދަފުތަރުގައި އަލަށް ހިމަނާފައިވަނީ 10 ކުދިންނެވެ.
ތެލަސީމިއާ ކުދިންގެ ދަފްތަރުގައި މިހާތަނަށް 944 ކުދިން ހިމަނާފައިވާ އިރުމ އޭގެ ތެރެއިން މިހާރު ދުނިޔޭގައި ތިބީ 659 ކުދިންނެވެ.
ރާއްޖެ އަކީ އާބާދީގެ ނިސްބަތުން ބަލާ އިރު ތެލަސީމިއާ ކުދިން ގިނަ ގައުމެކެވެ. ކައިވެނި ކުރުމުގެ ކުރިން ކެރިއަރެއްތޯ ބެލުމަށް ޓެސްޓްކުރުމަށް ހިތްވަރު ދީ، ބައްޔަށް ހޭލުންތެރިކަން އުފައްދަން ސަރުކާރުން ގިނަ މަސައްކަތްތަކެއް ކުރެ އެވެ. ސަރުކާރުން އަންނަނީ ތެލަމީސިިއާ ކުދިންނަށް ބޭނުންވާ ބޯންމެރޯ ޓްރާންސްޕްލާންޓް ފަރުވާ ވެސް ހިލޭ ފޯރުކޮށް ދެމުންނެވެ.
އެގޮތުން މިހާރު ވެސް ފަރުވާގައި ކުދިންތަކެއް އެބަތިއްބެވެ.
ރައީސް ޑރ. މުހައްމަދު މުއިއްޒުގެ ވެރިކަމުގެ ދައުރުގެ ތެރޭގައި އަހަރަކު 10 ކުއްޖަކަށް ޒަކާތު ފަންޑުން ބޯންމެރޯގެ ފުރުސަތު ދޭން ވަނީ ނިންމައިފަ އެވެ.