މިދިޔަ މަހު އޮލިމްޕަހުގައި ދެއްކި ކުޑަކުދިންނަށް ހާއްސަ ފިލްމު "ރޮބޯމޭން: ދަ މޫވީ" މިހާރު ޝްވެކް ސިނަމާގައި ދައްކަން ފަށައިފި އެވެ.
އެހެންވެ މިއީ އޮލިމްޕަހުގައި ފިލްމުގެ ބަލާލަން ފުރުސަތު ނުލިބޭ ފަރާތްތަކަށް ވަރަށް ރަނގަޅު ފުރުސަތަކަށް ވާނެ އެވެ. މިދިޔަ މަހުގެ 26 ގައި ޕްރީމިއާކުރި "ރޮބޯމޭން: ދަ މޫވީ" ގެ ހަ ޝޯ އޮލިމްޕަހުގައި ދެއްކި އެވެ.
މި ފިލްމު މިހާރު ޝްވެކް ސިނަމާގައި ދައްކަމުން އަންނަ އިރު، މިހާތަނަށް އަތޮޅުތެރޭގެ ބައެއް ރަށްރަށުގައި ވެސް ފިލްމު ދައްކާފައިވެ އެވެ.
ކުޑަކުދިންގެ މެދުގައި މަގުބޫލު ކެރެކްޓާއެެއް ކަމަށްވާ ރޮބޯމޭން ހިމަނައިގެން އަދި ނެށުމުގެ މުބާރާތެއް ކާމިޔާބުކުރަން ކުޑަ ދެ އަންހެން ކުއްޖަލު ކުރާ ބުރަ މަސައްކަތްތަކެއް ދައްކުވައިދޭ "ރޮބޯމޭން: ދަ މޫވީ" އަކީ މަހުދީ އަހުމަދުގެ ސްކްރީންޕްލޭއަކަށް އިބްރާހީމް ވިސާން (ކަނޑި) ޑައިރެކްޓްކުރި ފިލްމެކެވެ.
ގިނަ އާ މޫނިތަކެއް ވެސް ފެނިގެންދާ ފިލްމުގެ ކާސްޓްގައި މަޝްހޫރު ތަރިން ކަމަށްވާ މަރިޔަމް އައްޒަ އާއި ރަވީ ފާރޫގް ވެސް ހިމެނެ އެވެ.