ސައްހަ ނޫން 500ރ. ގެ ނޫޓެއް މާރުކުރަން އުޅުނު މީހަކު ކޯޓު އަމުރެއްގެ ދަށުން ތިން ދުވަހަށް ބަންދުކޮށްފިއެވެ.
މި މައްސަލައިގައި އިއްޔެ ހައްޔަރުކުރީ މާލޭ މ. ރަތްލިލީގޭ އުމުރުން 54 އަހަރުގެ އަބްދުﷲ ސައީދެވެ.
އޭނަގެ ކްރިމިނަލް ކޯޓުން ކުރި އަމުރުގައި ބުނެފައި ވަނީ ސައީދު ކުށްކުރި ކަމަށް ތުހުމަތު ކުރެވޭ ކޮންމެ ވެސް މިންވަރެއްގެ ހެކި ހުށަހެޅިފައިވާ ކަމަށާއި ސައްހަ ނޫން 500ރ. ގެ ނޫޓެއް ކެފޭއަކުން މާރުކުރުމަށް އޭނާ މަސައްކަތް ކޮށްފައިވާ ކަމަށެވެ.
އެކަމާ ގުޅިގެން އޭނަ ބުނެފައިވަނީ އެއީ މީހަކު އެކަން ކޮށްދޭށޭ ބުނުމުން ކޮށްދިން ކަމެއް ކަމަށާއި، އެއީ ވަގު ނޫޓެއްކަން ނޭނގޭ ކަމަށެވެ.
މި މައްސަލައާ ގުޅިގެން ކޯޓުން އަމުރުކިރީ ސައީދު ތިން ދުވަހަށް ބަންދު ކުރުމަށެވެ. އެއީ މުޖުތަމައުގެ ސަލާމަތާއި ރައްކާތެރިކަމަށްޓަކަ އެވެ.