ރޭ ހިތަދޫގައި ތޫނު ހަތިޔާރު ބޭނުންކޮށްގެން ހަމަލާދީ މަރާލާފައިވާ ސ.ހިތަދޫ އެތީނާގެ، ހުސެއިން ޝިޔާރުގެ މަރުގެ މައްސަލާގައި މިހާތަނަށް އެއްވެސް މީހަކު ހައްޔަރު ކޮށްފައި ނުވާ ކަމަށް ފުލުހުން ބުނެފިއެވެ.
ފުލުހުންގެ މީޑިޔާ އޮފިޝަލް ވިދާޅުވި ގޮތުގައި ރޭގެ މާރާމާރީ އާއި ގުޅިގެން އެއްވެސް މީހަކު ފުލުހުންގެ ބެލުމުގެ ދަށަށް ގެނެސްފައި ނުވި ނަމަވެސް ވަރަށް ބާރު ސްޕީޑެއްގައި މައްސަލައިގެ ތަހުޤީގް ކުރަމުން ގެންދާ ކަމަށެވެ.
މޫނު ނިވާކޮށްގެން ތިބި ބަޔަކު ޝިޔާރަށް ހަމަލާދީފައި ވަނީ 10:50 އެހާކަށް ހާއިރު އޭނާ ދިރިއުޅޭ ގޭގެ ތެރޭގައި ހުއްޓާއެވެ. ޝިޔާރު މަރުވެފައިވަނީ މާރާމާރީގައި ލިބުނު ޒަޚަމްތަކަށް ހިތަދޫ ހޮސްޕިޓަލުގައި ފަރުވާދެމުން ދަނިކޮށް މިއަދު ހެނދުނުގެ ވަގުތެއްގައެވެ.
މަރުވި ޒުވާނާގެ ބުރަކައްޓަށާއި ބޮލުގެ ދެ ތަނަކަށް ވަނީ ހަމަލަދީފަ އެވެ. ހާއްސަކޮށް ބުރަކައްޓަށް ވަރަށް ފުންކޮށް ވަޅިން ހަމަލަދީފައިވާ ކަމަށް ހޮސްޕިޓަލުން ވަނީ ބުނެފައެވެ.