ފަޅު ރަށްތައް ހޯދަން ކައުންސިލްތަކުން ހުށަހެޅި ޕްރޮޕޯސަލްތައް ރިވިއު ކުރުމުގެ މަސައްކަތް މިހާރު ކުރިއަށްދާ ކަމަށް އިދާރީ ދާއިރާތަކާ ބެހޭ މިނިސްޓަރު ޢާދަމް ޝަރީފް ވިދާޅުވެއްޖެ އެވެ.
މިނިސްޓަރު ވިދާޅުވީ މިހާތަނަށް ޕްރޮޕޯސަލް ހުށަހެޅީ ހަތަރު ކައުންސިލަކުން ކަމަށެވެ. އަދި އެ ޕްރޮޕޯސަލްތައް ރިވިއު ކުރަމުން އަންނަ ކަމަށް ވިދާޅުވި އެވެ. ޕްރޮޕޯސަލްތައް ހުށަހެޅި ކައުންސިލްތަކަކީ ރ. އިނގުރައިދު އާއި ދ. ކުޑަހުވަދު އާއި ލ. މާވަށުގެ އިތުރުން ކައުންސިލްގެ އިތުރުން މ. އަތޮޅު ކައުންސިލެވެ.
އާދަމް ޝަރީފު ވިދާޅުވީ މިހާތަނަށް ޕްރޮޕޯސަލް ހުށައެޅި ކައުންސިލްތަކުން ހުށަހަޅަންޖެހޭ ބައެއް ލިޔުންތައް ހުށައަޅާފައި ނެތުމުން އެ ލިޔުންތައް ހޯދުމުގެ މަސައްކަތްތައް ކުރަމުން އަންނަ ކަމަށެވެ.
މިނިސްޓަރު ވިދާޅުވީ ތަފާތު ކުރުމެއް ނެތި ކައުންސިލްތަކަށް ފުރިހަމަ އެއްބާރުލުންދީ، ކައުންސިލްތަކުގެ ޤާނޫނީ ޒިންމާ އަދާކުރުމަށް ސަރުކާރުން މިހާރު މަގުފަހިކޮށް ދެމުން އަންނަ ކަމަށެވެ.