ކެބިނެޓަށް ދާދި ފަހުން ގެނައި ބަދަލާ ގުޅިގެން ތިން މިނިސްޓަރަކަށް ރުހުން ހޯދުމުގެ މައްސަލަ މަޖިލީހުގެ ދިރާސާކުރާ ކޮމިޓީ އަށް ފޮނުވައިފި އެވެ.
އެ ތިން މިނިސްޓަރުންނަކީ ފޮރިން މިނިސްޓަރުކަމުން ފިނޭންސް މިނިސްޓަރަކަށް ބަދަލުކުުރި މޫސާ ޒަމީރާއި ހެލްތު މިނިސްޓަރުކަމުން ފޮރިން މިނިސްޓަރަކަށް ބަދަލުކުރި ޑރ. އަބްދުﷲ ހަލީލުގެ އިތުރުން ހެލްތު މިނިސްޓަރަކަށް އައްޔަން ކުރި އަބްދުﷲ ނާޒިމެވެ.
މި ތިން ވަޒީރުންނަށް ރުހުން ހޯދުމަށް ރައީސް ޑރ. މުހައްމަދު މުއިއްޒި ރައްޔިތުންގެ މަޖިލީހަށް ފޮނުއްވި މައްސަލަ ދިރާސާކުރެއްވުމަށް ފޮނުއްވީ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީއަށެވެ.
ކެބިނެޓަށް ރައީސް ބަދަލުތަކެއް ގެންނެވީ މިދިޔަ މަހުގެ 30 ގަ އެވެ. އެގޮތުން ހެލްތު މިނިސްޓަރަކަށް އައްޔަންކުރި ނާޒިމު ކުރިން ހުންނެވީ ރައީސް އޮފީހުގެ ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީގެ މަގާމުގަ އެވެ. އޭނަ އަކީ ކުރީގެ ރައީސް އަބްދުﷲ ޔާމީންގެ ވެރިކަމުގައި ވެސް ހެލްތު މިނިސްޓަރުކަން ކުރެއްވި ބޭފުޅެކެވެ.
މި ސަރުކާރުގެ ކެބިބެޓްގައި 22 މިނިސްޓަރުން ހިމެނެ އެެވެ.