ރާއްޖޭގެ އެންމެ ދެކުނުގެ ހަތަރު އަތޮޅުގެ ޕްރިންސިޕަލުންނާއި ޑެޕިއުޓީ ޕްރިންސިޕަލުންނަށް ހާއްސަކޮށްގެން ލީޑަޝިޕް ޓްރެއިނިން ޕްރޮގްރާމެއް ބާއްވައިފި އެވެ.
މި މަހުގެ 12 އާއި 13 އަށް އައްޑޫ ހައި ސްކޫލްގައި ބޭއްވި ޕްރޮގްރާމްގައި ސްކޫލުތައް ހިންގުމުގައި ބޭނުންކުރާ ޒަމާނީ އާ ގޮތްތަކާއި އާ އީޖާދުތަކާ ގުޅޭ މަޢުލޫމާތު ޕްރިންސިޕަލުންނާ ހިއްސާކޮށް، އަހުލުވެރިކޮށްފައިވެ އެވެ.
އައްޑު އާއި ފުވައްމުލަކާއި ގދ. އަތޮޅުގެ އިތުރުން ގއ. އަތޮޅުގެ ސްކޫލްތަކުގެ ޕްރިންސިޕަލުންނާއި ޑެޕިއުޓީން ބައިވެރިވި ތަމްރީން ޕްރޮގްރާމްގެ ސެޝަންތައް ނަންގަވަ އިދެއްވީ މެލޭޝިއާގެ ސެގި ޔުނިވަސިޓީންނެވެ. ޕްރޮގްރާމްގައި ޖުމްލަ 30 ބޭފުޅުން ބައިވެރިވެ ވަޑައިގެންނެވި އެވެ.
މިއީ އެޑިޔުކޭޝަން މިނިސްޓްރީ އާއި ނެޝަނަލް އިންސްޓިޓިއުޓް އޮފް އެޑިޔުކޭޝަންގެ އިތުރުން ރާއްޖެއިން ބޭރުގެ ޔުނިވަސިޓީތަކާ ގުޅިގެން ސިލްސިލާކޮށް ކުރިއަށް ގެންދާ ތަމްރީނު ޕްރޮގްރާމެކެވެ.