އިލެކްޝަންސް ކޮމިޝަން (އީސީ) ގެ މެންބަރުގެ މަގާމަށް މިހާރު އެ ކޮމިޝަނުގެ އެސިސްޓެންޓް ޑިރެކްޓަރުގެ މަގާމުގައި ހުންނެވި ޢަބްދުލްޙަސީބް އިސްމާޢީލް އައްޔަން ކުރުމަށް ރައީސް ޑރ. މުޙައްމަދު މުޢިއްޒު ރައްޔިތުންގެ މަޖިލީހަށް ފޮނުއްވައިފި އެވެ.
ހަސީބު މެމްބަރު ކަމަށް އައްޔަން ކުރަން ފޮނުވީ އީސީގެ ރައީސް ފުއާދު ތައުފީގުގެ މެންބަރުކަމުގެ މުއްދަތު ހަމާވާތީ އެވެ. އޭނަ ދައުރު ހަމަވާނީ އަންނަ މަހުގެ 23 އަށެވެ.
އެހެންވެ އީސީގެ މެމްބަރު ކަމަށް ކުރިމަތިލާން ރައީސް އޮފީހުން ހުޅުވައިލީ މިދިޔަ މަހުގެ 12 ގަ އެވެ.
މަޖިލީހަށް ހުށަހެޅި ޙަސީބުގެ ނަން ދިރާސާކުރުމަށް މަޖިލީހުގެ މިނިވަން މުއައްސަސާތަކުގެ ކޮމިޓީ އަށް މިހާރު ވަނީ ފޮނުވައިފަ އެވެ.
އޭނަ އީސީއާ ގުޅިވަޑައިގެންނެވީ ޖެނުއަރީ 2، 2022 ގަ އެވެ. ހަސީބަކީ ކުރިން ފިނޭންސް މިނިސްޓްރީ އާއި އިސްލާމިކް މިނިސްޓްރީގެ އިސް މަގާމުތަކެއް ވެސް ފުރުއްވި ބޭފުޅެކެވެ.
އީސީގައި ތިއްބަވަނީ ފަސް މެންބަރުންނެވެ.