ސްޓެލްކޯ އިން އިސްލާމީ މަރުކަޒުގެ މުންނާރުގެ ތިރީގައި މަސްފެންގަނޑު ހެދުމުގެ މަސައްކަތް ފަށައިފި އެވެ.
އެ ކުންފުނީފެ ސީއެސްއާރްގެ ދަށުން ކުރިއަށް ގެންދާ މި މަސައްކަތާ ގުޅޭ ގޮތުން އެ ކުންފުނީގެ މެނޭޖިން ޑިރެކްޓަރު ހުސެއިން ފަހުމީ ވިދާޅުވީ ސްޓެލްކޯގެ އަޒުމަކީ މި ސަގާފީ ތަރިކަ ކުރިއެކޭ އެއްގޮތަށް ފެންނާނެ ގޮތަށް އަލުން އެތަން މަރާމާތުކޮށް ދިނުން ކަމަށެވެ. އަދި އެތަނަކީ ދިވެހިންގެ ތާރީހާ ގުޅިފައިވާ މުހިންމު ބިނާއެއް ކަމަށް ވިދާޅުވި އެވެ.
The restoration of the pond beneath the minaret at the Islamic Center has officially commenced. @STELCOMALDIVES is committed to bringing this cherished landmark back to its former glory, preserving its historical and cultural significance for the community.@Mohamedshaheem1… https://t.co/ahmZ8G0hzS pic.twitter.com/aqlvpYwyTi
— Hussain Fahmy (@HussainFahmy09) October 14, 2024
ސްޓެލްކޯ އިން އިސްލާމީ މަރުކަޒުގެ މުންނާރުގެ ވަށައިގެން މަސްފެންގަނޑު ހަދައިދޭން ނިންމީ އިސްލާމީ މަރުކަޒަށް 40 އަހަރު ފުރުމުގެ މުނާސަބާއާ ގުޅުުވައިގެން އެކަން ކުރަން އިސްލާމިކް މިނިސްޓްރީ ނިންމައި، މަސައްކަތްކޮށް ދޭނެ ބަޔަކު ހޯދަން އިއުލާންކޮށް، ފަހުން އެކަން ބާތިލުކުރުމާ ގުޅިގެންނެވެ.
އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު ވިދާޅުވީ އެ މަސައްކަތް ބާތިލުކުރީ ރާއްޖޭގެ މާލީ ހާލަތު ހުރި ގޮތުން މި ދަނޑިވަޅުގއި އެފަދަ މަސައްކަތެއް ކުރިއަށް ގެންދަން ތަންނުދޭތީ ކަމަށެވެ.