ފުލުހުންގެ ސައިބަ ކްރައިމް ސެންޓަރުގެ ސޯޝަލް މީޑިއާ ޕްލެޓްފޯމްތައް ތައާރަފުކޮށްފި އެވެ.
އޭގެ ތެރޭގައި ހިމެނެނީ އެތަނުގެ ޔޫޓީއުބް ޗެނަލާއި ޓިކްޓޮކާއި ފޭސްބުކްގެ އިތުރުން އިންސްޓަގްރާމް ޕޭޖެވެ.
މި ޕްލެޓްފޯމްތައް މެދުވެރިކޮށް ސައިބަ ކްރައިމް ސެންޓަރުން ސައިބަ ކްރައިމަށް ރައްޔިތުން ހޭލުންތެރި ކުރުވުމަށް ތަފާތު މައުލޫމާތު ހިއްސާކުރާނެ އެވެ. އެގޮތުން، ސައިބަ ކްރައިމް މެދުވެރިކޮށް ހިންގާ ކުށްތަކުން ރައްކާތެރިކުރުވުމަށް މަސައްކަތްކުރާނެ ގޮތާއި، މިފަދަ ކުށްތައް ކުރާ މީހުން ބޭނުންކުރާ އެންމެ ފަހުގެ އުކުޅުތަކުގެ މައުލޫމާތު ވީޑިއޯ އަދި ޕޯސްޓުތައް މެދުވެރިކޮށް ހިއްސާކުރާނެ އެވެ.
މިކަމާ ގުޅިގެން ޕޮލިސް ކޮމިޝަނަރު އަލީ ޝުޖާއު ހާއްސަ ވީޑިއޯ މެސެޖެއް ވެސް ދެއްވާފައިވެ އެވެ.