މި މަހު ގެނެސްދޭން ހަމަޖެހިފައިވާ ތުރިލާ "ދޯ ޕައްތީ" ގައި ޒުވާން ބަތަލާ ކްރިތީ ސެނަން މުޅިން އަލަށް ޑަބަލް ރޯލަކުން ބެލުންތެރިންނާ ބައްދަލު ކުރަން ތައްޔާރުވެއްޖެ އެވެ.
ނެޝަނަލް އެވޯޑް ވެސް ހޯދައިވާ ބަތަލާ އަލަށް ކުޅުނު ޑަބަލްގެ ރޯލަކީ ސޯމިއާ ސޫދު އާއި ޝައިލީ އެވެ. މީގެ ތެރެއިން އެއް ރޯލުގައި ކްރިތީ ފެންނާނީ ބަދަލު މަސައްކަތްކުރާ ސައިކޯއެއްގެ ކެރެކްޓާއިންނެވެ.
ކާސްޓްގައި މަޝްހޫރު ބަތަލާ ކާޖޮލް ވެސް ހިމެނޭ "ދޯ ޕައްތީ" އަކީ މި މަހުގެ 25 ގައި ނެޓްފްލިކްސް އިން ޕްރީމިއާކުރަން ހަނމަޖެހިފައިވާ ފިލްމެކެވެ. މީގައި ކާޖޮލް ކުޅެފައި ވަނީ އަލަށް ފުލުހެއްގެ ރޯލެވެ.
"ދޯ ޕައްތީ" އަކީ ކަނިކާ ދިލަންގެ ސްކްރީންޕްލޭއަކަށް ޝަޝަންކާ ޗަތުރަވެދީ ޑައިރެކްޓްކޮށްފައިވާ ފިލްމެކެވެ. އަދި މިއީ ކްރިތީގެ ފިލްމު ކުންފުނި ބްލޫ ބަޓަފްލައިން ޕްރޮޑިއުސްކޮށް ގެނެސްދޭ ފުރަތަމަ ފިލްމެވެ. ފިލްމު ޕްރޮޑިއުސްކުރީ އޭނަ އާއި ކަނިކާ ގުޅިގެންނެވެ.
"ދޯ ޕައްތީ" ގެ ރޯލަކުން މަޝްހޫރު ޓީވީ އެކްޓަރު ޝަހީރު ޝެއިހް ވެސް ފެންނާނެ އެވެ.
ކްރިތީގެ އެންމެ ފަހުގެ ފިލްމަކީ ފެބްރުއަރީގައި މާޗްގައި ރިލީޒްކުރި "ކްރޫ" އެވެ.