ލ. މާވަށު ސްކޫލުގެ ކުލާސްރޫމްތައް އޭސީކޮށް ދޭން އެ ރަށު ކައުންސިލުން ނިންމައިފި އެވެ.
މިކަމަށް ކައުންސިލުން ވަނީ 200،000ރ. ގެ ބަޖެޓެއް ވެސް ފާސްކޮށްފަ އެވެ. މާވަށު ކައުންސިލުން ބުނީ، ރަށު ސްކޫލުގެ ހުރިހާ ކުލާސްރޫމެއް އޭސީ ކުރަން ކުރަން ޖެހޭ ތައްޔާރީތައް މިހާރު ވަމުން އަންނަ ކަމަށެވެ.
މާވަށު ކައުންސިލުން ބުނީ މި މަޝްރޫއު އެއްކޮށް ނިންމުމަކަށްޓަކައި އިތުރު ލައްކައެއްހާ ރުފިޔާ ވެސް ބޭނުންވާތީ އެ ފައިސާ ހޯދަން ހެޔޮއެދޭ ފަރާތްތަކުގެ އެހީތެރިކަން ހޯދަމުން އަންނަ ކަމަށެވެ. މާވަށު ސްކޫލް އޭސީ ކުރުމާއި އެކަމާ ގުޅުން ހުރި މަސައްކަތްތައް ކުރަން ނިންމާފައި ވަނީ ކައުންސިލުގެ މުވައްޒަފުންނާއި ސްކޫލާއި ފެނަކަ އާއި ރަށުގެ ގެމް ޖަމިއްޔާ ގުޅިގެންނެވެ.
މާވަށު ސްކޫލްގެ ކްލާސްރޫމްތައް އޭސީކުރަން 35 އޭސީ ބޭނުންވެ އެވެ. އަދި ކޮންމެ ކުލާހެއްގައި 18 ބީޓޫޔޫގެ ދެ އޭސީ ހަރުކުރާނެ އެވެ. އަމާޒަކީ މި އަހަރު ނިމުމުގެ ކުރިން މި މަސައްކަތް ނިންމުމެވެ.
އޭސީ ހޯދަން ނިންމާފައި ވަނީ އާންމުކޮށް ބީލަމަށް ހުޅުވާލައިގެންނެވެ.
ގްރޭޑް 10 އާ ހަމައަށް ކިޔަވައި ދެމުން އަންނަ މާވަށު ސްކޫކަކީ 400 އެއްހާ ދަރިވަރު ކިޔަވަމުން އަންނަ ސްކޫލެކެވެ.