ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) ގެ ނަމުގައި އަނެއްކާ ވެސް ސްކޭމް މެސެޖްތަކެއް ފޮނުވަމުންދާތީ، އެކަމާ ސަމާލުވާން ފުލުހުން އިލްތިމާސްކޮށްފި އެވެ.
ފުލުހުން މިއަދު ބުނީ "ގެދޮރުވެރިޔާ" ސްކީމުން ފްލެޓްތަކަށް ފޯމު ލުމުގެ ފުރުސަތު އެޗްޑީސީން އަލުން ހުޅުވާލާފައިވާތީފޯމް ވެބްސައިޓުން ލިބެން ހުންނާނެ ކަމަށް ބުނެ ސްކޭމް މެސެޖުތައް ފޮނުވަމުންދާ ކަމަށެވެ. ފުލުހުން ބުނި ގޮތުގައި ސައްހަ ނޫން މެސެޖުތައް ފޮނުވަނީ އޭގައި ލިންކެއް ހިމެނޭ ގޮތަށެވެ.
މިދިޔަ އޮގަސްޓް މަހުގެ ތެރޭގައި ވެސް އެޗްޑީސީގެ ނަމުގައި ސްކޭމް މެސެޖްތަކެއް ފޮނުވި މައްސަލަ ފެންމަތިވެފައިވެ އެވެ.
ރާއްޖޭގައި މިފަދަ ގޮތްގޮތަށް ހިންގާ ސްކޭމްތަކުން ފޭރުމުގެ މައްސަލަތައް ވަރަށް ބޮޑަށް އިތުރުވެފައިވެ އެވެ.