މަޝްހޫރު ބަތަލާ ޕްރިޔަންކާ ޗޯޕްޅާ ބިއުޓީ ލައިނެއް ލޯންޗްކުރަން ތައްޔާރުވަމުން އަންނަ ކަމަށް ރިޕޯޓްތައް ބުނެފި އެވެ.
މީޑިއާތަކުން ބުނީ އެމެރިކާގެ މަޝްހޫރު ކޮސްމެޓިކް ލައިން، މެކްސް ފެކްޓާއާ ގުޅިގެން ޕްރިޔަންކާގެ ބިއުޓީ ލައިން ލޯންޗްކުރަން ހަަޖެހިފައި ވަނީ އުފަން ގައުމު އިންޑިއާގައި ކަމަށެވެ. އެގޮތުން ވަރަށް މުމްބާއީގައި އެކަމަށް ހާއްސަކޮށްގެން އިވެންޓެއް ބާއްވަން އިއުލާން ކުރާނެ ކަމަށް ބުންޏެވެ.
ނަމަވެސް މިހާރު އެމެރިކާގައި ދިރިއުޅޭ ބަތަލާގެ ބިއުޓީ ލައިނާ ގުޅޭ އިތުރު އެއްވެސް ތަފުސީލެއް ނުލިބެ އެވެ. ނަމަވެސް އެ ބްރޭންޑްގެ ދަށުން އަންހެނުންގެ ހަންގަނޑަށް ހާއްސަ ކޮލިޓީ އެތައް އުފެއްދުމެއް މާކެޓަށް ނެރޭނެ ކަމަށް ބުނެފައިވެ އެވެ.
ޕްރިޔަންކާ ބިއުޓީ ލައިނެއް ލޯންޗްކުރަން ތައްޔާރުވަމުން އަންނަ އިރު، 2021 ގައި އޭނަ "އެނޮމެލީ" ގެ ނަމުގައި ހެއާކެއާ ބްރޭންޑެއް ލޯންޗްކޮށްފައިވެ އެވެ.
އިންޑިއާގެ ސެލެބްރިޓީންގެ ތެރެއިން އަމިއްލަ ބިއުޓީ ލައިން ލޯންޗްކޮށްފައިވާ މީހުންގެ ތެރޭގައި ދީޕިކާ ޕަދްކޯނާއި ކްރިތީ ސެނަން އާއި ސަނީ ލިއޯނީގެ އިތުރުން އެކްޓަރު ޝާހިދު ކަޕޫރްގެ އަންހެނުން މީރާ ރާޖްޕޫތު ހިމެނެ އެވެ.