މަތީ ތައުލީމު ހާސިލުކުރާ ދިވެހި 32 ދަރިވަރަކަށް ޗައިނާއިން އެހީ ދީފި އެވެ.
އެ ދަރިވަރުންނަށް އެހީ ދިނީ ޗައިނާ ސަރުކާރުން ދިން ބާސަރީ އެވޯޑްގެ ދަށުންނެވެ.
ބާސަރީ އެވޯޑް ދިނީ އިއްޔެ ގައުމީ ޔުނިވާސިޓީގައި ބޭއްވި ހާއްސަ ރަސްމިއްޔާތެއްގަ އެވެ. އެ ރަސްމިއްޔާތުގައި ޗައިނާއިން ރާއްްޖެ އަށް ކަނޑައަޅުއްވާފައި ހުންނަވާ ސަފީރު ވޭންގް ލިޒިން ވެސް ބައިވެރިވެވަޑައިގެންނެވި އެވެ.
އެހީ ދިނީ އެމްއެންޔޫ އާއި އިސްލާމިކް ޔުނިވާސިޓީ (އައިޔޫއެމް) އިން ހޮވައިލެވުނު ދަރިވަރުންތަކަކަށެވެ. އެގޮތުން އެ އެވޯޑްގެ ދަށުން ކޮންމެ ދަރިވަރަކަށް 10،000ރ. ގެ އެހީ ދީފައިވެ އެވެ
ޗައިނާ އަކީ މިހާރު ރާއްޖެ އެކި ދާއިރާތަކުން ވަރަށް ބޮޑަށް އެހީވަމުން އަންނަ ގައުމެކެވެ. އެގޮތުން މަތީ ތައުލީމަށް ސްކޮލަޝިޕް ފުރުސަތު ވެސް ފަހިކޮށްދެ އެވެ.