ރާއްޖޭގައި މިހާރު އެންމެ ބާރަށް ތަރައްގީވަމުން އަންނަ ހުޅުމާލޭގައި ޑައިވް ސެންޓަރެއް ގާއިމުކޮށްދޭ ނެ ބަޔަކު ހޯދަން އިއުލާންކޮށްފި އެވެ.
ހައުސިން ޑިވެލޮޕްމަންޓް ކޯޕަރޭޝަން އެޗްޑީސީ) އިން ބުނީ އެކަމަށް ޝައުގުވެރިވާ ފަރާތްތަކުން ޕްރޮޕޯސަލްް ހުށަހެޅުމުގެ ފުރުސަތު މި މަހުގެ 20 ވަނަ ދުވަހާ ހަމައަށް ހުޅުވާލާފައިވާ ކަމަށެވެ. މިކަމަށް އެދި އެއް ފަރާތައް ވުރެ ގިނަ ފަރާތްތަކުން ޕްރޮޕޯސަލް ހުށަހަޅައިފި ނަމަ ސައްކަތް ހަވާލުކުރާނީ އެޗްޑީސީގެ ތަސައްވަރާ އެންމެ ބޮޑަށް ގުޅޭ ގޮތަށް ޕްރޮޕޯސަލް ހުށަހަޅާ ފަރާތަކަށް ކަމަށް އެ ކުންފުނިން ބުންޏެވެ.
އަދި މަސައްކަތް ހަވާލު ކުރާނެ ބަޔަކު ހޮވުމުގައި ތަޖުރިބާއާއި މާލީ ގާބިލު ކަމަށް ވެސް އިސްކަން ދޭނެ އެވެ. އެޗްޑީސީން ބުނީ އެ ކުންފުންޏަށް ދައްކަން ޖެހޭ ފައިސާތަކެއް އޮތް އެއްވެސް އެއްވެސް ކުންފުންކަށް ޑައިވް ސެންޓަރު ހަދަން ކުރިމަތި ނުލެވޭނެ ކަމަށެވެ.
ހުޅުމާލޭގައި ގިނަ އަދަދެއްގެ ގެސްޓްހައުސްތަކެއް ވެސް ހިންގަމުން އަންނަ އިރު، އެތަނުގައި މިހާރު ވެސް ވޯޓާ ސްޕޯޓްސް ސެންޓަރުތައް ހިންގަ އެވެ.