އިންޑިއާ އިން ރާއްޖެ އަށް ހަދިޔާކޮށްފައިވާ ޑޯނިއާ މަތިންދާބޯޓް ދުއްވަން ތަމްރީނުކުރެވޭ ޕައިލެޓުން ސިފައިންގެ ދޫކޮށް ދަނީ އެ މީހުންނަށް ރާއްޖޭގައި ހަމަހަމަ ފުރުސަތު ނެތުމުގެ ސަބަބުން ކަމަށް މޯލްޑިވްސް ނެޝަނަލް ޕާޓީ (އެމްއެންޕީ) ގެ ލީޑަރު އަދި ކުރީގެ ޑިފެންސް މިނިސްޓަރު މުހައްމަދު ނާޒިމް ވިދާޅުވެއްޖެ އެވެ.
ޑޯނިއާ ފްލައިޓް ދުއްވާނެ ދިވެހި ޕައިލެޓަކު ނެތް ކަމަށް ޑިފެންސް މިނިސްޓްރީން ބުނުމާ ގުޅިގެން ނާޒިމް ވިދާޅުވީ ޑޯނިއާ ދުއްވަން ތަމްރީންކުރެވޭ ޕައިލެޓުން ސިފައިންގެ ދޫކޮށް ދަނީ ޕައިލެޓުންނަށް ހަމަހަމަކަން ރާއްޖޭގައި ނެތުމުގެ ސަބަބުން ކަމަށެވެ. އަދި ގައުމީ އެއާލައިން، މޯލްޑިވިއަންގެ ޕައިލެޓުން ގަޑި ހަމަވަންދެން މަސައްކަތް ކުރުމުން ބޮޑު މުސާރަ ލިބޭކަން ފާހަގަ ކުރައްވައި ނާޒިމް ވިދާޅުވީ އެހެން ޕައިލެޓުންނަށް އެވަރަށް މުސާރައިގެ ގޮތުގައި ފައިސާ ވެސް ނުލިބޭ ކަމަށެވެ.
"ޕައިލެޓްކަން ކިޔަވައިގެން އުޅޭ އެތައް ޒުވާންނުންނެެއް މި ނާއިންސާފާ ހެދި ވަޒީފާއެއް ނެތިފައި އެބަތިބި،" މާފަންނު އުތުރު ދާއިރާގެ މަޖިލިސް މެމްބަރު ވިދާޅުވި އެވެ. "މިކަން ހަމައަކަށް އެޅުވިއްޖެ ނަމަ ޑޯނިއާ ދުއްވާނެ ޕައިލެޓުން ވާނެކަން ޔަގީން."
ކުއްލި ހާލަތްތަކާއި މެޑިކަލް އިވެކްއޭޝަންތަކަށް އިންޑިއާ އިން ރާއްޖެ އަށް ހަދިޔާކުރި ޑޯނިއާ މަތިންދާބޯޓް ދުއްވަން ދިވެހި ސިފައިންގެ ދެ މީހަކު ތަމްރީނުކުރި އެވެ.
ނަމަވެސް ވެސް ވަނީ ސިފައިން އިިން ވަކިވެފަ އެވެ.
އިންޑިއާ އިން ޑޯނިއާ އާއި ހެލިކޮޓްރުގެ އޮޕަރޭޝަންތަކަށް ރާއްޖޭގައި ތިބި އިންޑިއާ ސިފައިން މި އަހަރުގެ ކުރީކޮޅު ސަރުކާރުން ފޮނުވާލައި، މިހާރު އެ އެއްޗެހީގެ އޮޕަރޭޝަންގައި ތިބީ އިންޑިއާގެ މަދަނީންގެ ބައެކެވެ.