ހިންދީ ސިނަމާގައި މުޅިން އާ ރެކޯޑްތަކެއް ހެދި މަގުބޫލު ހޮރޯ-ކޮމެޑީ "އިސްތިރީ 2" އެމެޒޯން ޕްރައިމް ވީޑިއޯ އަށް ދޫކޮށްލައިފި އެވެ.
އޮގަސްޓް މަހުގެ 15 ގައި ރިލީޒްކުރި މި ފިލްމަކީ މި އަހަރުގެ މިހާތަނަށް ރިލީޒްކުރި ބޮލީވުޑްގެ އެންމެ ބޮޑު ހިޓްގެ އިތުރުން ބޮލީވުޑްގެ ބޮކްސް އޮފީހުގައި މުޅިން އަލަށް 600 ކްރޯޑް ރުޕީސް (71.4 މިލިއަން ޑޮލަރު) އަށް ވުރެ ބޮޑު އާމްދަނީއެއް ހޯދި ފުރަތަމަ ފިލްމަށެވެ.
ޕްރޮޑިއުސަރު ދިނޭޝް ވިޖަންގެ މެޑޮކް ފިލްމްސްގެ "އިސްތިރީ 2" އަށް އިންޑިއާ އާއި ބޭރުގެ މާކެޓްތަކުން ލިބުނު ޖުމްލަ އާމްދަނީ 873.20 ރުޕީސް (104 މިލިއަން ޑޮލަރު) އަށް އަރާ އިރު، ފިލްމު ހެދީ 120 ކްރޯޑް ރުޕީސް (14.3 މިލިއަން ޑޮލަރު) ގެ ބަޖެޓަކުންނެވެ.
މި ފިލްމަކީ ޑައިރެކްޓަރު އަމަރް ކޯޝިކްގެ 2018 ގެ ކާމިޔާބު "އިސްތިރީ" ގެ ދެވަނަ ބައެވެ. ފިލްމުގެ މައިގަނޑު ތަރިންނަކީ ޝްރަދާ ކަޕޫރާއި ރާޖްކުމާރު ރާއޯ އެވެ.