ރާއްޖޭގެ ދެކުނުގެ އަތޮޅުތަކަށް މިއަދު އުދަ އަރާނެ ކަމަށް ލަފާކޮށް ވައިޓް އެލާޓް ނެރެފި އެވެ.
މޫސުމާ ބެހޭ އިދާރާ އިން އެ އެލާޓް ނެރެފައި ވަނީ ލ. އަތޮޅުން ފެށިގެން އައްޑުއާ ހަމައަށެވެ. އެލާޓް ނެރެފައި ވަނީ ހެނދުނު 10:30 އިން ފެށިގެން މެންދުރު ފަހު 2:30 އާ ހަމައަށެވެ.
ދެކުނަށް މިއަދު އުދަ އަރާނެ ކަމަށް ލަފާކުރި އިރު، މި ދުވަސްވަރަކީ މުޅި ރާއްޖެ އަށް ވެސް މޫސުން ގޯސް އަދި ވަޔާއި ކަނޑު ވެސް ގަދަ ދުވަސްވަރެކެކެވެ. އެގޮތުން މިދިޔަ ހަފުތާގައި ރާއްޖޭގެ އެކި ހިސާބުތަކަށް ބޯކޮށް ވާރޭ ވެހުނެވެ.