ނެޝަނަލް ޓްރޭޑް ޓެސްޓިން އެންޑް ސެޓްފިކޭޝަން (އެންޓީޓީސީ) ގެ ދަށުން މިހާތަނަށް 96 ހުނަރަވެރިން ސަނަދު ހާސިލުކޮށްފި އެވެ.
އެންޓީޓީސީ އަކީ ރަސްމީ ނިޒާމެއްގެ ތެރެއިން ސެޓްފިކެޓެއް ނެތި، އެއް ބާވަތެއްގެ ފަންނީ މަސައްކަތުގައި ނުވަތަ އެއް ވަޒީފާއެއްގައި ދެމިތިބޭ މުވައްޒަފުންގެ ކިބައިގައި ވަޒީފާގެ މަސްއޫލިއްޔަތު އުފުލުމަށް ބޭނުންވާ ފަންނީ ހުނަރު ހުރިތޯ ބަލައި، މަތީ ހަރުފަތަކަށް ވާސިލުވުމުގެ ފުރުޞަތު އެމީހުންނަށް ހޯދައި ދިނުމުގެ ގޮތުންނާއި، މިފަދަ ފަންނީ މަސައްކަތްކުރާ މީހުންގެ މަސައްކަތް ރަސްމީ ސިފައެއްގައި ބަލައިގަތުމުގެ ގޮތުން މަސައްކަތުގެ ތަޢުލީމާއި ތަމްރީނު ދިނުމުގެ ޤައުމީ ނިޒާމުގެ ތެރެއިން ދެވޭ އިމްތިހާނެކެވެ.
ހަޔަ އެޑިއުކޭޝަން މިނިސްޓްރީން ބުނީ އެ އިމްތިހާނުތައް ދެވޭނީ އެމްއެންއެސްޑީއޭގެ ނެޝަނަލް ކޮމްޕީޓެންސީ ސްޓޭންޑާޑްތައް ހުރި ދާއިރާތަކަށް ކަމަށެވެ. އެހެންވެ ތަމްރީނު ދޭ އެހެން މަރުކަޒުތަކުގެ ޕްރޮގްރާމަކަށް ނެޝަނަލް ޓްރޭޑް ޓެސްޓިން ކުރިޔަށް ނުގެންދެވޭނެ އެވެ.
ޖުލައި 13، 2021 ގައި މި ނިޒާމް ތަޢާރަފު ކުރި ފަހުން މި އަހަރުގެ މިހާތަނަށް 96 ހުނަރުވެރިއަކު އިމްތިހާންގައި ބައިވެރިވެ ސަނަދު ހާސިލްކޮށްފައޮވެ އެވެ. މީގެ ތެރޭގައި މި އަހަރު ސަނަދު ހާސިލުކުރި ހަތަރު މީހަކު ވެސް ހިމެނެ އެވެ.
ވަޒީފާގެ ފުރުސަތުތައް ފަހިކުރުމަށްޓަކައި "އެންމެންނަށް ވަޒީފާ" ގެ ސިޔާސަތެއް ކަނޑައަޅާ، ރާއްޖޭގެ ވަޒީފާގެ ބާރާޒާރުގައި ދިވެހިންގެ ހިއްސާއިތުރުކޮސް، ކުރިމަގުގައި ބިދޭސީންނަށް ބަރޯސާވުން ކުޑަކޮށް، ދިވެހި ޒުވާނުންގެ ހުނަރު އިތުރުކޮށް ވަޒީފާތަކަށް ނެރުމަކީ މިސަރުކާރުން ވަރަށް ބޮޑު އިސްކަމެއް މިހާރު ދެމުން އަންނަ ކަމެކެވެ.
އެހެންވެ އެންޓީޓީސީގެ އެހީގައި ހުނަރުވެރިނަށް އިތުރު ހަރުފަތަކަށް ދިއުމުގެ މަގު މިހާރު ފަހިވެފައިވާ ކަމަށް މިނިސްޓްރީން ބުންޏެވެ.