ފެނަކަ ކުންފުނީގެ ޅ. ހިންނަވަރު ބްރާންސްގެ އޮފީސް އިމާރާތުގެ މަސައްކަތް ބާރަށް ކުރިއަށްދާ ކަމަށް ބުނެފި އެވެ.
އެ ކުންފުނިން މިއަދު ބުނީ މިދިޔަ އަހަރުގެ ސެޕްޓެމްބަރު މަހު ފެށި އާ އޮފީސް އިމާރާތުގެ 55 ޕަސެންޓް މިހާރު ނިމިފައިބާ ކަމަށެވެ. އެގޮތުން ޢިމާރާތުގެ ސްޓްރަކްޗަރ ނިމިފައިވާ އިރު، ކޮންކްރީޓް މަސައްކަތުގެ ބޮޑު ބައެއް ވެސް ވަނީ ނިމިފަ އެވެ.
މަސައްކަތް ބާރަށް ކުރިއަށް ދާއިރު މިހާތަނަށް ނުނިމި ހުރި ބައެއް މަސައްކަތްތަކަކީ، ދޮރުތައް ހަރުކުރުމާއި އިމާރާތަށް ބޭނުންވާ ކަރަންޓު ވަޔަރިން އާއި ފެނާ ނަރުދަމާ ހޮޅި ގުޅުމުގެ މަސައްކަތެވެ. މި ދެ ބުރި އޮފީސް ނިމޭއިރު، އެންމެ ޒަމާނީ ވަސީލަތްތައް ޤާއިމްވެފައި ހުންނާނެ ކަމަށް ފެނަކަ އިން ބުންޏެވެ.
މިއީ ޖާގައިގެ ގޮތުން ތަނަވަސް އިމާރާތަކަށްވުމުން، މުވައްޒަފުންނަށާއި ޚިދުމަތް ހޯދާ ކަސްޓަމަރުން މިހާރަށް ވުރެ ފަަސޭހަ ވެގެންދާނެ އެވެ.
އަމާޒަކީ މިހާރު އަންނަ އަހަރުގެ ކުރީކޮޅަށް މަސައްކަތް އެއްކޮށް ނިންމުމެވެ.