އިނގިރޭސިވިލާތުގެ ކުރީގެ މަޝްހޫރު ބޭންޑް "ވަން ޑައިރެކްޝަން" އިންގިނަ ބައެއްގެ މަގުބޫލުކަން ހޯދި ލަވަކިޔުންތެރިޔާ ލިއަމް ޕޭން މަރުވެއްޖެ އެވެ.
ލިއަމް ،31، މަރުވީ އާޖެންޓީނާގެ ވެރިރަށް ބިއުނޮސް އާރީސްގެ ހޮޓަލެއްގެ ތިންވަނަ ބުރިން ވެއްޓިގެންނެވެ. އެ ހާދިސާ ހިނގަން މެދުވެރިވި ސަބަބެއް އާޖެންޓީނާގެ ފުލުހުން މިހާތަނަށް ހާމަކޮށްފައެއް ނުވެ އެވެ.
މި މަހުގެ ކުރީކޮޅު "ވަން ޑައިރެކްޝަން" ގެ ކުރީގެ މެމްބަރުންގެ ތެރޭގައި ހިމެނޭ ނައެލް ހޯރަން އާޖެންޓީނާގައި ބޭއްވި ކޮންސެޓެއްގައި ވެސް ލިއަމް ބައިވެރިވެފައިވެ އެވެ.
އިނގިރޭސި މަޝްހޫރު ޓީވީ ޝޯ، "ދަ އެކްސް ފެކްޓާ" އިން 2010 ވަނަ އަހަރު ތައާރަފުވި "ވަން ޑައިރެކްޝަން" އަކީ ކީ އާންމުންގެ ބޮޑު މަގުބޫލުކަމެއް ހޯދި ބޭންޑެކެވެ. އެ ބޭންޑުގައި ލިއަމް އާއި ނައެލް އިތުރުން ދެން ހިމެނުނީ ހެރީ ސްޓައިލްސް އާއި ޒޭން މަލިކްގެ އިތުރުން ލުއިސް ޓޮމްލިންސަން އެވެ.
"ވަން ޑައިރެކްޝަން" ގެ މަސައްކަތް ވަކި މުއްދަތެއް ނެތް ގޮތަށް މެދުކަނޑާލީ 2015 ގަ އެވެ. އޭގެ ފަހުން މި ބޭންޑްގެ މެންބަރުން އަންނަނީ ސޯލޯ އާޓިސްޓުންގެ ގޮތުގައި މަސައްކަތް ކުރަމުންނެވެ.
އެގޮތުން ލިއަމް 2019 ގައި "އެލްޕީ1" ގެ ނަމުގައި އަމިއްލަ އަލްބަމެއް ވެސް ނެރެފައިވެ އެވެ.