ގަވާއިދާ ހިލާފަށް އުޅޭ ބިދޭސީންނާ ގުޅޭ މައްސަލަތައް ރިޕޯޓުކުރަން ތައާރަފިކޮށްފައިބާ "އިމިގްރޭޝަން ވޮޗް" ޕޯޓަލް އަށް މިހާތަނަށް 840 މައްސަލަ މިހާތަނަށް ރިޕޯޓުކޮށްފައިވާ އިމިގްރޭޝަނުން ބުނެފި އެވެ،
އެ ޕޯޓަލް ތައާތަފުކުރީ ޖުލައި 17 ގަ އެވެ.
"އިމިގްރޭޝަން ވޮޗް" އަށް ރިޕޯޓްކުރި މައްސަލަތަކާ ގުޅޭ ގޮތުން އިމިގްރޭޝަނުން މިއަދު އާންމުކުރި ތަފާސްހިސާބުތައް ދައްކާ ގޮތުން މިހާތަނަށް 840 މައްސަލައެއް ރިޕޯޓުކޮށްފައިވާއިރު، އޭގެ ތެރެއިން 596 މައްސަލައަކަށް އެޓެންޑްކޮށްފައިވެ އެވެ. އޭގެ ތެރެއިން 70 މައްސަލައެއް ވެރިފައިކުރުމުގެ މަސައްކަތް ކުރިއަށްދާއިރު، 174 މައްސަލައެއް ބަލައިނުގަންނަ ކަމަށް ބުނެފައިވެ އެވެ.
މިހާތަނަށް އިމިގްރޭޝަނުން އެޓެންޑްވި މައްސަލަތަކުގެ ތެރޭގައި އެންމެ ގިނައީ ބިދޭސީން ގަވާއިދާ ހިލާފަށް ކުރާ ވިޔަފާރިތަކާ ގުޅޭ މައްސަލަތަކެވެ. އެ ފަދަ 221 މައްސަލައެއް ވަނީ ރިޕޯޓުކޮށްފައިވާ އިރު، ދެވަނައަށް އެންމެ ގިނައީ ވޯކް ވިސާއާ ގުޅޭ މައްސަލަތަކެވެ. އެފަދަ 206 މައްސަލައެއް ރިޕޯޓުކޮށްފައިވެ އެވެ.
އިތުރު މައްސަލަތައް:
* ހަށިވިއްކުން: 50 މައްސަލަ
* ބްލެކް މާކެޓުގައި ޑޮލަރު ވިއްކުން: ގުޅޭ 7 މައްސަލަ
* ޓޫރިސްޓް ވިސާއާ ހިލާފުވުން: 10 މައްސަލަ
* ބިދޭސީން ގެންނަ މީހުން ގަވާއިދާ ހިލާފުވުން: 9 މައްސަލައެއް
* ލިޔެކިޔުންތައް އޮޅުވާލުން: 2 މައްސަލަ
* ޑްރަގު ޓްރެފިކްކުރުން: 9 މައްސަލަ
* އިންސާނީ ވަގުފާރި: 7 މައްސަލަ
* ގެއްލިގެން ހޯދާ މީހުން: 32 މައްސަލަ
* ގަވާއިދާ ހިލާފަށް އެތެރެވާން އުޅުން: 3 މައްސަލަ
* އެހެނިހެން: 40 މައްސަލަ
ރާއްޖޭގައި ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލު ކުރަން މަސައްކަތުގެ ތެރެއިން ގަވާއިދާ ހިލާފަށް އުޅޭ ބިދޭސީން އަތުލައިގަންނަން ފެށި ޕްރޮގްރާމްގެ ދަށުން މިދިޔަ އަހަރުގެ ނޮވެމްބަރު 17 ގެ ފަހުން 4،000 އަށް ވުރެ ގިނަ ބިދޭސީން ޑީޕޯޓުކޮށްފައިވާ ކަމަށް ވެސް އިމިގްރޭޝަނުން ބުނެފައިވެ އެވެ.