މާދަމާ އިންޑިއާގެ ބެންގަލޫރުގައި ފަށާ "އޭޝިއަން ނެޓްބޯލް ޗެމްޕިއަންޝިޕް" ގައި ވާދަކުރަން ރާއްޖޭގެ ގައުމީ ނެޓްބޯޅަ ޓީމު އިއްޔެ ފުރައިފި އެވެ.
މި މަހުގެ 27 ގެ ނިޔަލަށް ކުރިއަށްދާ އެ މުބާރާގައި 15 ގައުމަކުން ވާދަކުރެ އެވެ. ހަތަރު ގްރޫޕަކަށް ބަހާލައިގެން ކުރިއަށްދާ މުބާރާތުގައި ރާއްޖެ ހިމެނެނީ ގްރޫޕް ބީގަ އެވެ. އެ ގްރޫޕުގައި ރާއްޖެއާއެކު ހިމެނެނީ ސިންގަޕޫރާއި ޗައިނީސް ޓައިޕޭ އަދި ބަހްރެއިނެވެ.
ރާއްޖޭގެ ޓީމުގައި ޖުމްލަ 12 ކުޅުންތެރިން ހިމެނޭ އިރު ޓީމުގެ ކެޕްޓަނަކީ ހަމްނާ އަބްދުއްރަހުމާނެވެ. ވައިސް ކެޕްޓަނަކީ މަރްޔަމް ޝިނާއަތެވެ.
މުބާރާތަށް ތައްޔާރުވުމުގެ ކުރިން ރާއްޖޭގެ ގައުމީ ޓީމު ލަންކާގައި ކޭމްޕްކޮށްފައިވެއެވެ. އޭގެ ތެރެއިން ޓީމު ވަނީ ލަންކާގެ އެކި ޓީމުތަކާއެކު އެކުވެރިކަމުގެ މެޗުތަކެއް ކުޅެފައިވެ އެވެ.
ނެޓްބޯޅައިން ރާއްޖެ އޭޝިއާގެ ރޭންކިންގައި ބޮޑު ކުރިއެރުމެއް ހޯދާފައިވެ އެވެ. އެގޮތުން ކުރިން 10 ވަނައިގައި ރާއްޖެ އޮތް ނަމަވެސް 2022 ގައި ރޭންކިންގެ 7 އަށް ޖެހިލައިފަ އެވެ.