އައްޑޫ މަރަދޫފޭދު އަށް ކާޑުގެ ބާވަތްތައް ފޯރުކޮށް ދޭނެ އެޖެންޓަކު ހޯދަން އިއުލާންކޮށްފި އެވެ.
އައްޑޫ ސިޓީ ކައުންސިލުން ނެރުނު އިއުލާނެއްގައި ބުނީ އެސްޓީއޯ އިން ގެނެސް ވިއްކާ ހަނޑުލާއި ހަކުރު އަދި ފުށް މަރަދޫފޭދޫގެ ރައްޔިތުންނަށް ދަތިނުވެ ލިބެން ހުންނާނެ ގޮތް ހެދުމުގެ ގޮތުން އެ އަވަށުގައި ކާޑުގެ އެޖެންޓްކަން ކޮށް ދިނުމަށް ޝައުޤުވެރިވާ ފަރާތެއް ހޯދުމަށް ބޭނުންވާން ކަމަށެވެ.
އެހެންވެ އެކަމަށް ޝައުގުވެރިވާ ފަރާތްތަކުން މި މަހުގެ 28 ގެ މެންދުރު ފަހު 1:00 ގެ ކުރިން ކައުންސިލް އިދާރާ އަށް ހުށަހަޅަން އެދިފައިވެ އެވެ. ހުށަހަޅަން ޖެހޭ ލިޔުންތަކުގެ ތެރޭގައި ވިޔަފާރި ރެޖިސްޓްރީ ކޮޕީ އާއި ޖީއެސްޓީ ރެޖިސްޓްރީ ކޮޕީ އާއި އައިޑީކާޑު ކޮޕީގެ އިތުރިން ގުޅޭނެ ނަމްބަރު ހިމެނެ އެވެ.
ކައުންސިލުން ބުނީ ކާޑުގެ އެޖެންޓްކަން ހޯދުމަށް އެދި ހުށަހަޅާ ފަރާތަކީ މަރަދޫފޭދޫގެ ރައްޔިތުންނަށް މަހެއްގެ މައްޗަށް ކަނޑައަޅާފައިވާ ކޯޓާ، ޖުމްލަ 388 ބަސްތާ (ހަނޑޫ، ހަކުރު، ފުށް) ގުދަންކޮށް ޑެލިވަރީކޮށްދެވޭނެ ފަރާތަކަށް ވާން ޖެހޭނެ ކަމަށެވެ.
ކާޑު އެޖެންޓުންނަށް މުދާ ދޫކުރުމަށް ހަމަޖެހިފައިވަނީ އައްޑޫގައި ހުންނަ އެސްޓީއޯގެ ފިހާރަތަކުގެ ގުދަނުންނެވެ.