ރާއްޖެއާ ގުޅިގެން މަސައްކަތް ކުރަން ޑަބްލިއުއެޗްއޯ އިން ސްޓްރެޓިޖިކް ޕްލޭން އިފުތިތާހުކޮށްފި އެވެ.
މި ސްޓްރެޓީޖިކް ޕްލޭން އެކުލަވާލާފައި ވަނީ 2024-2029 އާ ދެމެދު ގުޅިގެންކުރާނެ މަސައްކަތްތަކުގެ މައްޗަށެވެ.
ޕްލޭން އިފްތިތާހުކޮށް ދެއްވީ ހެލްތު މިނިސްޓަރު ޢަބްދުﷲ ނާޒިމާއި ޑަބްލިއުއެޗްއޯގެ ދެކެނު އިރުމަތީ އޭޝިޔާގެ ރީޖަނަލް ޑައިރެކްޓަރު ސައިމާ ވަޒީދެވެ.
ހެލްތު މިނިސްޓްރީން ބުނީ ޕްލޭން އެކުލަވައިލީ ވެސް ދެ ފަރާތް ގުޅިގެން ކަމަށެވެ.
މި ޕްލޭންގައި ކުރިއަށް އޮތް 5 އަހަރު ރާއްޖޭގެ ޢާންމު ޞިއްޙީ ޙާލަތު ރަނގަޅު ކުރުމަށް ސިއްހަތު ޖަމްޢިއްޔާ އިން ފޯރުކޮށް ދޭނެ އެހީތެރިކަން ވެސް ހިމަނާފައިވެ އެވެ. އަދި ޕްލޭންގައި މައިގަނޑު ފަސް ކަމަކަށް އަލިއަޅުވާލާފައިވެ އެވެ.
އެއީ އިޖުތިމާޢީ، އިގުތިސާދީ އަދި ވިޔަފާރިއާ ޞިއްޙީ ގޮތުން ގުޅުންހުރި ކަންކަމަށް ޙައްލު ހޯދައި ދިނުމާއި، އަސާސީ ޞިއްޙީ ފަރުވާ ކުރިއެރުވުމަށް އިންވެސްޓްކުރުމާއި، އާބާދީގެ ތެރެއިން ޞިއްޙީ ޚިދުމަތް ހޯދަން ދަތި ފަރާތްތަކަށް އެ ޚިދުމަތް ފޯރުކޮށް ދެވޭކަން ކަށަވަރުކުރުމާއި ރާއްޖޭގެ ސިއްހީ ނިޒާމު އިތުރަށް ހަރުދަނާކުރުމާއި ޞިއްޙީ ނިޒާމަށް އަންނަ ދަތިތަކާއި ޞިއްހީ ކުއްލި ހާލަތްތަކަށް ވިލުންތެރި ނިޒާމަކަށް ރާއްޖޭގެ ސިއްހީ ނިޒާމު ހެދުމެވެ.