އާންމުކޮށް އަންހެނުންނަށް ބިނާކޮށް ފިލްމު ހަދާ ބޮލީވުޑްގެ ޑައިރެކްޓަރު މަދޫރް ބަންޑާކަރްގެ އާ ފިލްމުގެ ގޮތުގައި "ވައިވްސް އޮފް ބޮލީވުޑް" މިއަދު އިއުލާންކޮށްފި އެވެ.
އަންނަ އަހަރުގެ ކުރީކޮޅު ޝޫޓިން ފަށަން ހަމަޖެހިފައިވާ މި ފިކްމަކީ ނެޝަނަލް އެވޯޑް ވެސް ހޯދާފައިވާ ޑައިރެކްޓަރު ޕްރޮޑިއުސަރެއްގެ ގޮތުގައި ވެސް ހިއްސާވާ ފިލްމެކެވެ. "ވައިވްސް އޮފް ބޮލީވުޑް" މިއަދު އިއުލާންކުރި ނަމަވެސް މީގެ ކާސްޓުންނަކީ ކޮބައި ކަމެއް އަދި ނޭނގެ އެވެ.
އެކަމަކު މީގައި ދައްކުވައި ދޭނީ ބޮލީވުޑްގެ އެކްޓަރުންތަކެއްގެ އަނބިންތަކެއްގެ ލައިފްސްޓައިލާ އެ މީހުންގެ ދިރިއުޅުމުގެ ހަފަރާތެވެ.
މަދޫރް މީގެ ކުރިން ވެސް ގެނެސްދިން ކާމިޔާބު ފިލްމުތަކުގެ ތެރޭގައި "ޗާންދުނީ ބާ"، "ޕޭޖް 3"، "ފެޝަން" އަދި "ހިރޮއިން" ފާހަގަކޮށްލެވެ އެވެ.
އޭނަގެ އެންމެ ފަހުގެ ފިލްމަކީ ކޮވިޑްގެ ވަބާގެ ތެރޭގައި އިންޑިއާގެ ދިގު ފުރަބަންދަކަށް ދިއުމާ ގުޅިގެން އެކިއެކި ދާއިރާގައި މަސައްކަތްކުރާ އާދައިގެ މީސްމީހުންގެ ދިރިއުޅުމަށް އައި ބަދަލުކޮށް ދައްކުވައި ދިން 2022 ގެ "އިންޑިއާ ލޮކްޑައުން" އެވެ.