މި އަހަރު ނިމުމުގެ ކުރިން ފުރަތަމަ ސޯލާ ފެރީ ރާއްޖެއަށް ގެންނަން ހަމަޖެހިފައިވާކަަމަށް އެންވަޔަރަމަންޓް މިނިސްޓަރު ތޯރިގް އިބްރާހީމް ވިދާޅުވެއްޖެ އެވެ.
ބުރާސްފަތި ދުވަހު ރައީސް އޮފީހުގައި އޮތް ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ އިޔާދަ ކުރަނިވި ހަކަތަ ބޭނުންކޮށް ،އަޖުމަ ބެލުމުގެ ގޮތުން މިނިސްޓްރީން މިވަގުތު ދަނީ ބައިވަރު މަސައްކަތް ކުރަމުން ކަމަށާއި އޭގެ ތެެރޭގައި ސޯލާ ފެރީގެ މަސައްކަތްވެސް ކުރިއަށްދާ ކަމައެވެ.
"ސޯލާ ފެރީ މިހާރު ވަނީ ބަނދެ ނިމިފައި. މިއަހަރު ނިމޭއިރު ރާއްޖެއަަށް އެ ސޯލާ ފެރީ ގެނެވޭނެ،" ތޯރިގް ވިދާޅުވބި އެވެ. "އެ މަސައްކަތް ވަރަށް ބާރަށް ކުރިއަށް އެބަދޭ."
އަޖު ބެލުމަށް ކުރިއަށް ދާ އިތުރު މަޝްރޫއުތަކެއް:
* 150 ކިލޯވޯޓްގެ ވައިން ހަކަތަ އުފައްދާ ނިޒާމެއް ގާއިމް ކުރުމުގެ މަސައްކަތް
* 25 ކިލީ ވޯޓްގެ ކަނޑުގެ އޮއިވަރުން ކަރަންޓު އުފައްދާ ނިޒާމެއް ގާއިމް ކުރެވޭނެ
* 4 ރަށެއްގައި ސޯލާ އެސިސްޓަޑް ކޮމިއުނިޓީ އައިސް ޕްލާންޓް ބެހެއްޓުން
އެގޮތުން ދެ ރަށެއްގައި ސޯލާ އެސިސްޓަޑް ކޮމިއުނިޓީ އައިސް ޕްލާންޓް ބެހެއްޓުގެ އަމަލީ މިހާރުވެސް ކުރިއަށްދާ ކަމަށް މިނިސްޓްރީން ބުންޏެވެ. އަދި އޭގެ އިތުރުން ހަރަދު ރަށެއްގައި ދަނޑުވެރިކަމަށް ސޯލާ އިރިގޭޝަންގެ ނިޒާމެއް އަޖުމަ ބެލުމުގެ ގޮތުން ކުރުމަށް ނިންމާފައިވާ ކަމަށްވެސް މިނިސްޓަރު ވިދާޅުވި އެވެ.
އެންވަޔަރަޔަމަންޓް މިނިސްޓްރީން ބުނީ އެކި މި ވަގުތު ރާއްޖޭގެ 101 ރަށެއްގައި 164 މެގަ ވޯޓްގެ ސޯލާ އިންސްޓޯލްކުރުމުގެ މަސައްކަތް އެކި މަރުހަލާތަަކަށް ބަހާލައިގެން ކުރިއަށްދާ ކަމަށެވެ.