އަންނަ އަހަރު ބޯންމެރޯ ޓްރާންސްޕޯޓް ހަދަން ބޭރަށް ފޮނުވާ ތެލަސީމިއާ ކުދިންގެ ސްކްރީން ކުރަން ފަށައފި އެވެ.
މިދިޔަ އަންގާރަ ދުވަހުގެ ރޭ ރޭ ތެލެސީމިއާ މާސްޓަ ޕްލޭން އިފުތިތާހު ކުރަން ބޭއްވި ރަސްމިއްޔާތުގައި ހެލްތަު އަބްދުﷲ ނާޒިމް އިބްރާހީމް ވިދާޅުވީ މިހާތަނަށް 14 ކުދިން ބޯންމެރޯ ހެދުމަށް ފޮނުވާފައިވާ ކަމަށްވެސް ވިދާޅުވި އެވެ.
"އަދި މިހާރު މިވަނީ އަންނަ އަހަރު ބޯންމެރޯ ހަދާ ކުދިންގެ ހެލްތު ސްކްރީން ހެދުމުގެ މަސައްކަތް ފަށާފައި." މިނިސްޓަރު ވިދާޅުވި އެވެ.
ހެލްތު މިނިސްޓްރީން ބުނީ ސަރުކާރުގެ އަމާޒަކީ ވީހާވެސް ގިނަ ކުދިންނަށް ބޯންމެރޯ ހެދުމުގެ ފުރުސަތު ދިނުން ކަމަށާއި އެގޮތުން މިހާރު ވެސް 40 ކުދިން ބޯންމެރޯ ހެދުމަށް ލިސްޓް ކުރެވިފައިވާ ކަމަށެވެ.
މި ސަރުކާރުން ވަނީ ކޮންމެ އަހަރަކު ހިލޭ 10 ކުއްޖަކު ބޯންމެރޯ ފަރުވާ އަށް ފޮނުވަން ނިންމައިފަ އެވެ. އަދި މިކަމަށް ހިނގާ ހަރަދު ހަމަޖައްސާނީ ޒަކާތު ފަންޑުންނެވެ.
ރާއްޖޭގައި ތެލެސީމިއާގެ 943 މީހަކު ދަފްތަރު ކޮށްފައިވާއިރު މި ނވަގުތު ދުނިޔޭގައި ތިބީ 655 މީހުންނެވެ. ދަފުތަރަށް މި އަހަރު އަލަށް 13 ކުއްޖަކު އިތުރުވެފައިވެ އެވެ.