ބޮލީވުޑްގެ ތަރި ސަނީ ޑިއޯލް ދެން އެންމެ އަވަހަށް ފެންނާނެ ފިލްމު "ޖަޓް" ގެ ފަސްޓްލުކް ޕޯސްޓަރު މިއަދު ދައްކާލައިފި އެވެ.
މި ވަރުގަދަ އެކްޝަން ފިލްމަކީ ކާމިޔާބު ތެލެގޫ ފިލްމުތަކެއް ގެނެސްދިން ގޯޕީޗަންދު މަލިނޭނީ ޑައިރެކްޓްކޮށްފައިވާ އެއްޗެކެވެ. އޭނަ އަކީ ޑޮން ސީނޫ" އާއި "ބޮޑީގާޑް" އަދި "ވިނާ" އަދި "ކްރެކް" ފަދަ ފިލްމުތައް ގެނެސްދިން ޑައިރެކްޓަރެވެ.
ގޯޕީޗަންދުގެ އެންމެ ފަހުގެ ފިލްމަކީ މިދިޔަ އަހަރުގެ "ވީރާ ސިމްހާ ރެޑީ" އެވެ.
އޭނަ ސަނީއާ ގެނެސްދޭ ފިލްމު "ޖަޓް" ގެ ޝޫޓިން ފެށީ މިދިޔަ ޖޫން މަހުގެ ތެރޭގަ އެވެ. މިއަދު ފިލްމުގެ ފުރަތަމަ ޕޯސްޓަރު ދައްކައިލި ނަމަވެސް ފިލްމު ރިލީޒްކުރާނެ ތާރީހެއް އަދި އިއުލާނެއް ނުކުރެ އެވެ. ނަމަވެސް ބައެއް މީޑިއާތަކުން ބުނީ "ޖަޓް" ބެލުންތެރިންނަށް ދޫކޮށްލާނެ ކަމަށް ބެލެވެނީ އަންނަ އަހަރުގެ ޖެނުއަރީ މަހުގެ ފަހުކޮޅު ކަމަށެވެ.
މި ފިލްމުގެ ކާސްޓްގައި ސައްޔާމީ ކޭރް، ރަންދީޕް ހޫޑާ، ރެޖީނާ ކެސަންޑްރާ އަދި ވިނީތު ކުމާރު ހިމެނެ އެވެ.
"ޖަޓް" ގެ މަސައްކަތް ފެށުމުގެ ކުރިން ސަނީ އޮތީ އެހެން ފިލްމެއްގެ މަސައްކަތް ނިންމައިފަ އެވެ. އެއީ އާމިރު ޚާން ޕްރޮޑިއުސްކޮށް، ރާޖްކުމާރު ސަންތޯޝީ ޑައިރެކްޓްކުރި "ލާހޯރް، 1947" އެވެ. ޕްރިތީ ޒިންތާ ބަތަލާގެ ރޯލު ކުޅެފައިވާ އެ ފިލްމު ރިލީޒްކުރާނެ ތާރީހެއް އަދި އިއުލާނެއް ނުކުރެ އެވެ.
މިއަދު 67 އަހަރި ފުރުނު ސަނީގެ އެންމެ ފަހުގެ މިދިޔަ އަހަރުގެ ބޮޑު ހިޓްތަކުގެ ތެރޭގައި ހިމެނމޭ "ގަދަރު 2" އެވެ. އޭނަގެ ކުރިއަށް ހުރި ފިލްމުތަކުގެ ތެރޭގައި "ރާމާޔަން" އާއި "ބޯޑާ 2" ހިމެނެ އެވެ.ިއަދު