ރާއްޖެ އަށް ހޮންޑާ ސައިކަލް އެތެރެކޮށް ވިއްކާ ހޮންޑާ މޯލްޑިވްސް (ޝީޝާ) ގެ ސާވިސް ސެންޓަރެއް ފުވައްމުލަކުގައި ހުޅުވަން ތައްޔާރުވާން ފަށައިފި އެވެ.
އެ ސެންޓަރު ހުޅުވަން ހަމަޖެހިފައި ވަނީ އަންނަ ބުރާސްފަތި ދުވަހުގެ ރޭ ބާއްވާ ކުލަގަދަ ރަސްމިއްޔާތެއްގަ އެވެ.
ފުވައްމުލަކު ހޮންޑާ ސާވިސް ސެންޓަރާ ގުޅޭ ގޮތުން ޝީޝާ އިން ބުނީ ބުރާސްފަތި ދުވަހުގެ ސާވިސް ސެންޓަރު ހުޅުވުމަށް ފަހު، އާންމުންނަށް އެތަން ހުޅުވާލައި ރަސްމީކޮށް ހިދުމަތް ދޭން ފަށާނީ އަންނަ ހަފުތާގެ ހޮނިހިރު ދުވަހުން ފެށިގެން ކަމަށެވެ.
ޝީޝާ އިން ބުނީ ފުވައްމުލަކު ސާވިސް ސެންޓަރު ވާނީ މިހާތަނަށް އެ ސިޓީގައި ހުޅުވާ އެންމެ ވަރުގަދަ ސާވިސް ސެންޓަރެއް ކަމަށެވެ. އަދި އެތަނުން ހޮންޑާ ސައިކަލްތަކުގެ ޖެނުއިން ޕާޓްސްތަކާއި ޑައިގްނޯސްޓިކް ޓޫލްސް ކަހަލަ ޒަމާނީ ވަސީލަތްތައް ބޭނުންކޮށްހެން އެންމެ ފުރިހަމަ ސާވިސް ލިބޭނެ ކަމަށް ބުންޏެވެ.
ހިދުމަތް ދިނުމުގައި ހަރަކާތްތެރި ވާނީ ފުރިހަމަ ތަމްރީނާއި ތަޖުރިބާ ލިބިފައިވާ މެކޭނިކުން ކަމަށް ވެސް ޝީޝާ އިން ބުންޏެވެ.
އެ ކުންފުނިން ބުނީ ފުވައްމަލުގައި ހޮންޑާގެ ސާވިސް ސެންޓަރެއް ހުޅުވިގެން ދިއުމަކީ ރައްޔިތުންނަށް ލިބޭނެ ވަރަށް ބޮޑު ފަސޭހައަކަށް ވާނެ ކަމަށާއި މިއީ މަގުމަތީގައި ދުއްވާ މީހުންނަށް ރައްކާތެރިކަމާ އެކީ ދުއްވަން ވެސް މަގުފަހިކޮށް ދޭނެ ކަމެއް ކަމަށެވެ.
ފުވައްމުލަކުގެ ހޮންޑާ ސާވިސް ސެންޓަރު ހުޅުވަން ބާއްވާ ރަސްމިއްޔާތުގައި މަޝްހޫރު ލަވަކިޔުންތެރިޔާ ޝަލަބީ އިބްރާހީމް ޕަފޯމްކުރަން ހަމަޖެހިފައިވެ އެވެ.
ޝީޝާ އިން ސްޕޮންސަކޮށްގެން މިރޭ ފުވައްމުލަކުގައި ފަށަން ހަމަޖެހިފައިވާ "ޝީޝާ ރަށި ބާޒާރޮ" ގެ ތެރޭގައި ކުރިއަށް ގެންދަން ނިންމާފައިިވާ ލަކީޑްރޯގެ ބޮޑު އިނާމުގެ ނަސީބު ވެރިޔާ ވެސް ސާވިސް ސެންޓަރު ހުޅުވުމުގެ ރަސްމިއްޔާތުގައި އިއުލާން ކުރާނެ އެވެ. އެ ނަސީބުވެރިޔަކަށް ހުށަހަޅާފައި ވަނީ 'ހޮންޑާ އެއާބްލޭޑް125 ސްޓޭންޑާޑް އެޑިޝަން' ގެ ސައިކަލެކެވެ.
ިޝީޝާ ރަށި ބާޒާރޮ' ކުރިއަށް ގެންދަން ހަމަޖެހިފައި ވަނީ މި މަހުގެ 20، 21، 22 އަދި 24 ގަ އެވެ.